चुनावको मिति नजिकिँदै विभिन्न कलाकारहरु राष्ट्रिय स्वतन्त्र पार्टीको पक्षमा खुलेका छन् । स्थानीय निर्वाचनपछि खुलेर आम निर्वाचनको प्रतिनिधिसभातर्फ भाग लिएको सो पार्टीको पक्षमा कलाकार खुलेका हुन् । 

सो पार्टीको पक्षमा कलाकारहरु वर्षा सिवाकोटी, निश्चल बस्नेत, निर्मल शर्मा , रवीन्द्र सिं बानियाँ, रवि कार्की ,प्रनिल तिमल्सिना, उषा उप्रेती लगायतका कलाकार खुलेका हुन् । 

यसैबीच अभिनेत्री सिवाकोटी शनिबार घण्टी लिएर काठमाडौं क्षेत्र नम्बर २ कि उम्मेदवार सोबिता गौतमको प्रचारमा देखिएकी छन् ।  गौतमलाई शुभकामना दिन उनी अभियानमा पुगेको राष्ट्रिय स्वतन्त्र पार्टीले जनाएको छ । 
राष्ट्रिय स्वतन्त्र पार्टीले प्रतिनिधिसभातर्फ १३१ स्थानमा उम्मेदवारी दिएको छ । प्रदेशसभातर्फ भने सो पार्टी सहभागी छैन ।