नेकपा माओवादी केन्द्रका महासचिव देव गुरुङ प्रतिनिधिसभा निर्वाचनमा पराजित भएका छन् । लमजुङको प्रतिनिधिसभा सदस्यतर्फ चुनाव लडेका उनी नेकपा एमालेका उपमहासचिव पृथ्वीसुबा गुरुङसँग पराजित भएका हुन् । 

गुरुङलाई पृथ्वीसुब्बाले तीन हजार एक सय ८८ मतान्तरले हराएका हुन् । 

जिल्ला निर्वाचन कार्यालयका प्रमुख नारायणप्रसाद सापकोटाका अनुसार विजयी पृथ्वीसुब्बाले ३४ हजार नौ सय ६९ मत प्राप्त गरे भने । पराजित गुरुङले ३१ हजार सात सय ८१ मत प्राप्त गरे । 

कूल एक लाख ३३ हजार पाँच सय ५९ मतदाता रहेकामध्ये ८० हजार एक सय ९२ मत खसेको जिल्ला निर्वाचन कार्यालयले जनाएको छ ।