झापा क्षेत्र नम्बर-३ मा राष्ट्रिय प्रजातन्त्र पार्टीका अध्यक्ष राजेन्द्र लिङ्देनले अग्रता कायमै राखेका छन् । 

आज बिहानसम्म ६७ हजार पाँच मत गणना भइसक्दा लिङ्देनले ३० हजार ९६३ मत ल्याएका छन् । उनलाई नेपाली कांग्रेसका कृष्णप्रसाद सिटौलाले २७ हजार ५६५ मतसहित पछ्याइरहेका छन् ।

राप्रपा अध्यक्ष लिङ्देन र कांग्रेस नेता सिटौलाबीचको मतान्तर तीन हजार ३९८ रहेको छ । यस क्षेत्रमा लिङ्देनलाई एमालेको र सिटौलालाई गठबन्धनको समर्थन छ । 

जिल्ला समन्वय समितिको कार्यालयमा गणना जारी छ । यहाँ ८९ हजार ६३७ मत खसेको थियो । यो क्षेत्रबाट २०७४ सालमा लिङ्देन विजय भएका थिए ।