दोलखामा प्रतिनिधिसभा र प्रदेशसभा सदस्यमा सत्ता गठबन्धनका उम्मेदवारले अग्रता कायम छ । 

हालसम्म १६ हजार १९४ मतगणना हुँदा सत्ता गठबन्धनबाट नेकपा माओवादी केन्द्रका उम्मेदवार गंगा कार्कीले ७ हजार ७०९ मत प्राप्त गरेका छन् । 

उनका निकटतम प्रतिद्वन्द्वी नेकपा एमालेका बालकृष्ण शिवाकोटीले ६ हजार ७०० मत प्राप्त गरेका मुख्य निर्वाचन अधिकृत डिल्लीरत्न श्रेष्ठले जानकारी दिए ।

दोलखाको प्रदेशसभा क्षेत्र (१) मा १३ हजार ५०७ मतगणना गर्दा सत्ता गठबन्धनबाट उम्मेदवार नेपाली कांग्रेसका कुन्दनराज काफ्लेले ६ हजार ४७४ मत तथा एमालेका नरबहादुर श्रेष्ठले ५ हजार ३१९ मत ल्याएका छन् ।

प्रदेशसभा क्षेत्र (२) मा १७ हजार ४३१ मतगणना हुँदा एमालेका भरत केसीले ७ हजार ९०७ र कांग्रेसका बर्मा लामाले ७ हजार ३७३ मत प्राप्त गरेका छन् । दोलखामा कूल ८५ हजार ९७८ मत खसेको थियोे ।

दोलखामा जम्मा ९४ मतदानस्थल र १९५ मतदान केन्द्र रहेका थिए । कूल १ लाख ६१ हजार ४५० मतदाता रहेका थिए भने १४ राजनीतिक दलका र ७ स्वतन्त्र गरी २१ उम्मेदवार चुनावी मैदानमा सहभागी भएका थिए ।