एउटा राजनीतिक दलको अध्यक्ष अर्को दलबाट समानुपातिक सांसद बन्ने विषय कानूनीभन्दा पनि नैतिकताको विषय हुने प्रमुख निर्वाचन आयुक्तले टिप्पणी गरेका छन् ।

परिवार दलका अध्यक्ष रहेका ढकाल एमालेबाट समानुपातिक सांसद बनेका छन् । 

चुनावको नतिजा सार्वजनिक गर्न आयोजित पत्रकार सम्मेलनमा सोधिएको प्रश्नको जवाफमा प्रमुख निर्वाचन आयुक्त दिनेशकुमार थपलियाले नैतिकताको विषय रहेको बताएका हुन् ।

‘कुनै दलको अध्यक्ष अर्को दलबाट समानुपातिक सांसद उठ्न नमिल्ने भन्नेबारे कानूनमा केही लेखिएको छैन, यो नैतिकताको विषय होला,’ थपलियाले भने, ‘उम्मेदवार बन्नका लागि दलको सदस्य भएको हुनुपर्ने छैन । बन्दसूचीमा नाम प्राप्त गर्नका लागि दलको सदस्यता प्राप्त गर्नु पर्दैन तर आगामी दिनमा छलफलको विषय हो ।’

विवादास्पद परिवार दलका सदस्यलाई सांसद बनाइएपछि नेकपा एमालेभित्र विरोध भइरहेको छ ।