नेकपा एकीकृत समाजवादीका अध्यक्ष माधवकुमार नेपालको स्वास्थ्य अवस्थामा सुधार आएको छ । बुधवारदेखि त्रिवि शिक्षण अस्पतालमा उपचारका लागि भर्ना भएका नेपालको स्वास्थ्य अवस्था सुधारोन्मुख रहेको नेकपा एसका उपमहासचिव गंगालाल तुलाधरले जानकारी दिए । 

‘हाम्रो पार्टी नेकपा (एकीकृत समाजवादी)का श्रद्वेय अध्यक्ष कमरेड माधवकुमार नेपाल हिजोदेखि स्वास्थ्योपचारको सिलसिलामा त्रि.वि.शिक्षण अस्पताल, महाराजगञ्जमा भर्ना हुनुभएको छ । मेरो वहाँसँगै कुरा भएअनुसार हाल अध्यक्ष कमरेडको स्वास्थ्य अवस्था सामान्य र सुधारोन्मुख रहेको व्यहोरा सम्बन्धित सबैमा जानकारीको लागि अनुरोध गर्दछु’, तुलाधरले जारी गरेको विज्ञप्तिमा जनाइएको छ । 

नेपाल रुघाखोजी, ज्वरो र  छातिमा संक्रमण भएपछि त्रिवि शिक्षण अस्पताल भर्ना भएका थिए ।