गृहमन्त्री लामिछानेको नागरिकता विवादबारे सर्वोच्चमा सुनुवाइ हुँदै

उपप्रधान एवं गृहमन्त्री रवि लामिछानेको नागरिकता विवादबारे शुक्रवार सर्वोच्च अदालतको संवैधानिक इजलासमा सुनुवाइ हुँदैछ ।

कायममुकायम प्रधानन्यायाधीश हरिकृष्ण कार्की नेतृत्वको संवैधानिक इजलासमा सुनुवाइ हुन लागेको हो । अमेरिकी ग्रिनकार्ड लिइसकेका व्यक्तिले नेपाली नागरिकता कायम राख्नु गैरकानूनी भन्दै सर्वोच्च अदालतमा रिट परेको थियो ।

यसअघि प्रारम्भिक सुनुवाइपछि संवैधानिक इजालसले अन्तरिम आदेश दिन अस्वीकार गरेको थियो । नागरिकता विवादमा सर्वोच्चले पुस ६ गते अन्तरिम आदेश अस्वीकार गरेपछि रविले पुस ७ गते सांसदको शपथ र पुस ११ गते उपप्रधान एवं गृहमन्त्रीको शपथ लिएका थिए ।

नागरिकता मुद्दामा दोषी पाइए राष्ट्रिय स्वतन्त्र पार्टीका सभापति समेत रहेका लामिछानेको सांसद र मन्त्री पद गुग्नेछ ।