सुपरहिट चलचित्र ‘छक्का पञ्जा’मा समावेश ‘देखन चम्पा’बोलको गीतले युट्युबमा दश मिलियन भ्युज पाएको छ । 

कृष्ण काफ्ले र दीपाश्री निरौलाको स्वर रहेको यस गीतलाई युट्युबमा १ करोड बढी पटक हेरिएको हो ।

दीपाश्रीको स्वर भने गीतको अन्तिममा मात्र सुन्न सकिन्छ । 

६ वर्षअघि सार्वजनिक यस गीतमा शान्तिप्रियको शब्द, दीपक शर्माको संगीत एवं अल्मोडा राना उप्रेतीको संगीत संयोजन छ । 

गीतको भिडियोमा चलचित्रका मुख्य कलाकारहरू अभिनेता दीपकराज गिरी र अभिनेत्री प्रियंका कार्की फिचर्ड छन् । 

कविराज गहतराजको कोरियोग्राफी रहेको भिडियोमा चलचित्रका अन्य कलाकारहरू वर्षा शिवाकोटी, शिवहरी पौडेल, केदार घिमिरे, जितु नेपाल, नम्रता सापकोटा लगायतलाई समेत देख्न सकिन्छ ।