प्रधानमन्त्री पुष्पकमल दाहाल 'प्रचण्ड' जिम्मेवारी सम्हालेपछि पहिलोपटक गोरखा प्रस्थान गरेका छन् ।

गोरखा क्षेत्र नम्बर २ बाट निर्वाचित प्रचण्ड ११ औं गोरखा महोत्सव उद्घाटन गर्न नेपाली सेनाको हेलिकप्टरमा त्यसतर्फ प्रस्थान गरेका हुन् ।

उनीसँगै उपप्रधान एवं भौतिक पूर्वाधार तथा यातायात मन्त्री नारायणकाजी श्रेष्ठ पनि गोरखा प्रस्थान गरेका छन् ।

प्रचण्डले खेलकुद मैदान हरमटारीमा आज महोत्सव उद्घाटन गर्ने तयारी छ ।

१० गते प्रधानमन्त्रीमा नियुक्त प्रचण्डले हिजो प्रतिनिधिसभाबाट विश्वासको मत लिएका थिए ।