राप्रपा नेपालको केन्द्रीय कार्यालय काठमाडौं महानगरपालिका वडा नं ५ हाँडीगाउँ ढुंगेधारानजिक सरेको छ।

आजै पार्टी अध्यक्ष कमल थापाले झण्डोत्तोलनसहित पार्टीका पदाधिकारी सदस्यहरु तथा जनवर्गीय संगठनका नेताहरूको उपस्थितिमा विधिपूर्वक पुजाआजा गरी गृहप्रवेश गरेका हुन् ।

पार्टीलाई व्यवस्थित र चुस्त रूपमा सञ्चालन गर्ने क्रममा नयाँ ठाउँमा पार्टी कार्यालय सारिएको महामन्त्री तथा सचिवालय प्रमुख भाष्कर भद्राले जानकारी दिए ।

विशालनगरमा रहेको पार्टी कार्यालय भवन सानो भएको र पार्किङ समस्या भएकोले नयाँ ठाउँमा सारिएको समेत भद्राले बताए ।

राप्रपा नेपाल पुनर्जागृत गरेपछि दोस्रो पटक पार्टीले आफ्नो कार्यालय सारेको हो ।