मंगलबार दिउँसो बाजुराको मौला आसपास क्षेत्रलाई केन्द्रविन्दु बनाएर गएको भूकम्पले गरेको जनधनको क्षतिप्रति नेकपा (एकीकृत समाजवादी) पार्टीले दुःख व्यक्त गरेको छ । हिजो ५ दशमलब ९ रेक्टरको भूकम्प सो क्षेत्रमा गएको थियो ।

घटनाप्रति पार्टी स्तब्ध र दुःखी भएको जनाएको छ । सो पार्टीले विज्ञप्ति जारी गर्दै सो दुःख व्यक्त गरेको हो । भूकम्पका कारण सुदूरपश्चिम र कर्णाली प्रदेशका विभिन्न जिल्लामा भौतिक तथा मानवीय क्षति भएको सो दलले जनाएको छ ।

‘भूकम्प प्रभावित क्षेत्रका बासिन्दाको उद्धारमा खटिन हाम्रो सिंगो पार्टीपङ्क्तिलाई निर्देशन गरिएको छ । भूकम्पपीडित जनताको राहत तथा उद्धारका निम्ति संघीय, प्रदेश तथा स्थानीय सरकारसँग हाम्रो पार्टी जोडदार माग गर्दछ’ सो दलका महासचिव डा. बेदुराम भुषालले जारी गरेको विज्ञप्तिमा उल्लेख छ ।