नेकपा एमालेका सांसद रघुजी पन्तले संविधानका आधारभूत विषयमा सरकारका मन्त्रीहरूबीच मत बाझिन नहुने र सार्वजनिक विवाद देखिन नहुनेतर्फ सरकारको ध्यानाकर्षण गराएका छन्।

प्रतिनिधिसभाको आजको बैठकको विशेष समयमा उनले यस्तो बताए। 

त्यपछि बोल्न आएका नेकपा (माओवादी केन्द्र) का सांसद शक्तिबहादुर बस्नेतले मन्त्रिपरिषद्का सदस्यहरूले संविधानको व्यवस्थाविपरीत बोल्न नहुने बताएका छन्। तर उनको अभिव्यक्तिलगत्तै राष्ट्रिय प्रजातन्त्र पार्टीका  ज्ञानेन्द्र  शाहीले उनको भनाइप्रति आपत्ति प्रकट गरे। 

बस्नेतले बोलेको उक्त विषयप्रति आपत्ति जनाउँदै शाहीले धर्म, गणतन्त्र र संघीयताका सवालमा संसद्मा बोल्न पाउने व्यवस्था हुनुपर्ने माग गरेका थिए।