राष्ट्रिय स्वतन्त्र पार्टी (रास्वपा) को केन्द्रीय समिति र संसदीय दलको संयुक्त बैठक सुरु भएको छ । पार्टी कार्यालयमा सुरु भएको बैठकले गर्ने निर्णयबारे सर्वत्र चासो छ । 

रास्वपाले गृह मन्त्रालय पाउनका लागि सरकारलाई दिएको दुई दिने अल्टिमेटम सकिन केही घण्टामात्र बाँकी रहँदा राति अबेरदेखि बैठक सुरु भएको हो । 

बैठकले सरकारमा बसिरहने कि बाहिरिने भन्नेमा निर्णय लिने सभापति रवि लामिछानेका स्वकीय सचिव प्रकाश सिग्देलले जानकारी दिए । यसअघि बिहीबार बसेको रास्वपाको बैठकले गृह मन्त्रालय पार्टीले पाउनुपर्ने निष्कर्ष निकाल्दै त्यसका लागि सत्ता साझेदार दललाई दुई दिनको समय दिएको थियो ।

 यो बीचमा लामिछानेले प्रधानमन्त्री प्रचण्ड र एमाले अध्यक्ष केपी ओलीसँग पटक पटक छलफल गरेका छन् । छलफलमा दुई नेताले लामिछानेलाई आफैँ सरकारमा सहभागी नहुन र गृहबाहेकको मन्त्रालय लिन आग्रह गरेको बताइएको छ ।