आज लुम्बिनी र सुदूरपश्चिम प्रदेशका तराई भूभागमा अपराह्नको समयमा हावाहुरी चल्ने जल तथा मौसम विज्ञान विभाग, मौसम पूर्वानुमान महाशाखाले जनाएको छ। ​

हावाहुरीबाट हुन सक्ने क्षतिबारे सजग रहन पनि भनिएको छ। 

देशभर पश्चिमी वायुको सामान्य प्रभाव परेकाले आइतबार प्रदेश १, गण्डकी, कर्णाली र सुदूरपश्चिम प्रदेशका केही स्थानमा आंशिक बदली हुने र अन्यत्र मौसम सामान्यतया सफा रहने पनि महाशाखाले जनाएको छ।

त्यस्तै रातको समयमा उच्च हिमाली भेगका एक दुई स्थानमा भने हिमपात हुन सक्ने पनि महाशाखाले बताएको छ।