राष्ट्रिय खेलकुद परिषद् (राखेप) कर्मचारी संघको केन्द्रीय अध्यक्षमा सरस्वती केसी निर्वाचित भएकी छन् । नेपालगन्जमा फागुन ४ र ५ गते भएको संघको अधिवेशनले केसीको नेतृत्वमा ३५ सदस्यि कार्य समिति निर्वाचित गरेको हो ।

निर्वाचनमा कर्मचारीहरुले केसीलाई अध्यक्ष छनौट गर्दा वरिष्ठ उपाध्यक्षमा  सुमन घले, उपाध्यक्षमा ध्रुव प्रसाद खनाल र महिला उपाध्यक्षमा पार्वती राई निर्वाचित भएका छन भने  महासचिवमा कुमार बस्नेत,उपमहासचिवमा गोपीकृष्ण निरौला,सचिवमा शैलेन्द्र श्रेष्ठ र मिन प्रसाद पोखरेल र  कोषाध्यक्षमा रामकृष्ण घिमिरे चयन भएका निर्वाचन अधिकृत महेन्द्र राईले जानकारी दिए ।​

सदस्यहरुमा, रेखा बस्नेत,विमला कार्की,सानुराजा  केसी, दोवे तामाङ,पूर्ण कुमार योन्जन,अजुन बहादुर कार्की,ब्रम्हदेव यादव,बिष्णुलाल श्रेष्ठ,अश्विनी कुमार अधिकारी,प्रविन रानामगर,भिमलाल  विक,ढाकादेवी पराजुली र दुर्गा बस्नेत चयन भएका छन् । 

पैतिस सदस्यि कार्य समितिमा प्रदेश समितिका अध्यक्षहरु  केन्द्रिय समितिमा पदेन उपाध्यक्ष रहने छन भने केन्द्रिय समितिले पाच जनालाई मनोनित गर्ने व्यवस्था कर्मचारी संघको विधानमा व्यवस्था रहेको छ ।