नेपाली कांग्रेसका नेता तथा प्रतिनिधिसभा सदस्य चन्द्र भण्डारी खतरामुक्त रहेका छन् । भण्डारीको उपचारका लागि दिल्ली पुगेका योगराज कंडेलले सबै कुराहरु नर्मल रहेको भन्दै प्रसन्नता व्यक्त गरेका छन् । 
उनले डाक्टरहरूको मेहनतले अव ढुक्क भइरहेको भन्दै छिट्दै स्वदेश फर्किने बताएका छन् । बुधबार बुद्धनगरस्थित निवासमा भएको ग्यास सिलिन्डर लिक भएर भएको आगलागीमा भण्डारी घाइते भएका थिए । 
उनले सामाजिक सञ्जालमा दिएको भण्डारीको स्वास्थ्य अवस्थाबारे जानकारी जस्ताको तस्तै–

मन आज यतिवेला अतीनै प्रसन्न छ आदरणीय चन्द्र दाजी खतरामुक्त हुनुहुन्छ । मन थाम्न नसके पछि केहीबेर अगाडि १० बजे आईविसियूमा पुगी ड्युटी डा. प्रशान्त महाराणेलाई भेटी कुरा गर्दा सबै कुराहरू नर्मल रहेको जानकारी गराउनु भयो । 

प्रश्न गर्ने क्रममा मैले सोधे वहाँ होसमा हुनुहुन्छ त ? क्याबिन नं. ८ मा रहनु भएका चन्द्र दाइको क्याविनबाट तीन जना नर्सहरू निक्ले । मेरो अगाडि रहनु भएका डा. प्रशान्तले क्याविनबाट निक्लँदै गरेका नर्सलाई सोध्नु भयो विरामी जागै हो ? उनीहरूले भने हो । डा. ले मलाई भन्नु भयो मन छ भने भेट भन्नुभयो सो भन्नासाथ नर्सले गाउन लिएर आइन् । नर्स, म र डा भित्र गयौ । चन्द्रदाइले मलाई दुवै आँखाले लामो समय हेरेको हेर्यै गर्नु भो । हात उठाउन खोज्ने, टाउको उठाउन खोज्ने धेरै कुरा गर्न मन गरेजस्तो भान हुन्थ्यो । अनि डा. र अन्य नर्सलाई हेर्नु भो । मैले दाइ हजुरलाई राम्रो भई रा'छ हामी यही छौ भने । मलाई पनि दाइलाई हेरे पछि मन कस्तो कस्तो भयो अनि निक्लिहालेँ ।
डा. ले भन्नु भो केही चिन्ता लिनु पर्दैन । 
दाइ खतरामुक्त हुनुहुन्छ साथै निश्चिन्त हुन सवैमा अनुरोध छ । 
तपाईहरूको स्वास्थ्य लाभको कामना र डा. हरूको मेहनतले हामी अव ढुक्क छौ । 
सवै शुभचिन्तकहरूमा आभार ।
भेटको पलको बारेमा लेख्न त धेरै छन तर व्यक्त गर्न सक्दिन । तर आजको भेटले सकुशल काठमाडौं फर्किनेछौ । एयरपोर्टमा यहाँहरूसँग दाइको भेट शिध्र हुनेछ ।