नेपालका लागि नवनियुक्त चिनियाँ राजदूत चेन सोङले पूर्व प्रधानमन्त्री तथा नेकपा एकीकृत समाजवादीका अध्यक्ष माधवकुमार नेपालसँग शिष्टाचार भेटवार्ता गरेका छन् ।

कोटेश्वरस्थित अध्यक्ष नेपालको निजी निवासमा बुधवार दिउँसो भएको भेटमा अध्यक्ष नेपालले राजदूत चेनलाई स्वागत गर्दै कार्यकाल सफलताको शुभकामना दिए ।

राजदूत चेनले राजदूतको रूपमा नेपाल आउन पाउँदा खुशी लागेको बताउँदै आफ्नो कार्यकालमा सबैबाट सहयोगको अपेक्षा गरेको बताए । उनीहरूबीच नेपाल–चीन सम्बन्ध र द्विपक्षीय हितका विविध विषयमा कुराकानी भएको जनाइएको छ ।