माधव नेपाललाई राष्ट्रपतिको रुपमा अघि सारेको तीन दलले शुक्रबार बिहान नेपाली कांग्रेससँग छलफल गर्दैछ । शुक्रबार बिहान ८ बजेपछि कांग्रेससँग छलफलको तयारी भएको नेकपा एकीकृत समाजवादीका नेता प्रकाश ज्वालाले जानकारी दिए । 

राष्ट्रपतिको विषयमा सहमति जुटिनसकेको भन्दै उनले कांग्रेससँग छलफल गरेर टुंगोमा पुग्न प्रयास गरिने बताए । 
यसअघि बिहीबार बसेको माओवादी केन्द्र, नेकपा एकीकृत समाजवादी र जसपाबीचको बैठकमा माधव नेपाललाई राष्ट्रपति उम्मेदवारको रुपमा अघि सारेर राष्ट्रिय सहमति जुटाउन पहल गर्ने सहमति जुटेको थियो । 
सोहीअनुसार कांग्रेससँग छलफल गर्न लागिएको हो । यस्तै आजै माओवादी केन्द्रका अध्यक्ष समेत रहेका प्रधानमन्त्री प्रचण्डले एमाले अध्यक्ष केपी ओलीसँग पनि वार्ता गर्ने तयारी छ।