पञ्चेबाजा गीतका पारखीहरुलाई नयाँ कोशेली थपिएको छ ।

गायक अमृत रामदामले आइतवार पञ्चेबाजा गीत सार्वजनिक गरेका छन् ।

‘टिम्मुरे काँडैले’बोलको उक्त गीतमा उनीसँगै गायिका सुनिता बुढा क्षेत्रीको युगल स्वर सुन्न सकिन्छ । 

सागर विरहीको शब्द, गायक रामदामकै संगीत एवं थेगो रहेको गीतलाई कमल सौरागले एरेन्ज गरेका हुन् ।  

मदन खड्काको कोरियोग्राफी एवं निर्देशनमा भिडियो तयार भएको हो । 

भिडियोमा निर्देशक एवं मोडल सुनिल क्षेत्री र मोडल सारिका केसीको अभिनय एवं नृत्य छ ।

निर्देशक मदनले सुनिल र सारिकालाई आकर्षक तरिकाले भिडियोमा पेस गरेका छन् । भिडियो दर्शकलाई आकर्षक लाग्न सक्छ । 

दुर्गा पौडेलको छायाँकन रहेको भिडियो विकास ज्ञवालीको सम्पादनपछि युट्युबमा सार्वजनिक गरिएको हो । 

गायक रामदामको आफ्नै अफिसियल युट्युब च्यानलमार्फत गीत सार्वजनिक गरिएको हो ।

पञ्चेबाजा गीत विशेषगरी लगनको सिजनमा बढी गुञ्जिने गर्छ ।