प्रधानमन्त्री पुष्पकमल दाहाल प्रचण्डको सरकारी निवासमा सत्तारुढ गठबन्धन दलको बैठक शुरू भएको छ ।

एक महिनायता खाली रहेका मन्त्रालयमा मन्त्रीको टुंगो लगाउन प्रधानमन्त्री निवासमा सत्तारुढ दलको बैठक शुरु भएको हो । 

बैठकमा प्रधानमन्त्रीसहित माअ‍ोवादीबाट उपप्रधानमन्त्री एवं भौतिक पूर्वाधारमन्त्री नारायणकाजी श्रेष्ठ सहभागी छन् । नेपाली कांग्रेसबाट सभापति शेरबहादुर देउवा, उपसभापति पूर्णबहादुर खड्का सहभागी छन् । 

जसपाबाट उपेन्द्र यादव सहभागी छन् । नेकपा एसबाट अध्यक्ष माधवकुमार नेपाल र घनश्याम भूसाल र जसपाबाट राजेन्द्र श्रेष्ठ सहभागी छन् । 

लोसपाबाट अध्यक्ष महन्त ठाकुर र शरतसिंह भण्डारी उपस्थित छन् । जनमतबाट अध्यक्ष सीके राउत र नागरिक उन्मुक्तिबाट अध्यक्ष रञ्जिता श्रेष्ठ सहभागी छन् । 

नेपाल समाजवादी पार्टीबाट डा. बाबुराम भट्टराई र महिन्द्रराय यादव सहभागी छन् । 

राष्ट्रिय जनमोर्चाबाट अध्यक्ष चित्रबहादुर केसी उपस्थित छन् । त्यस्तै स्वतन्त्र सांसद प्रभु साहको पनि उपस्थिति छ । 

तर सरकारमा सहभागी हुने बताइएको राष्ट्रिय स्वतन्त्र पार्टी बैठकमा सहभागी भएको छैन । प्रधानमन्त्रीको सचिवालयले पठाएको बैठकमा रास्वपाका कुनै नेता देखिँदैनन् ।

बैठकमा प्रधानमन्त्रीले सरकार विस्तारको लागि दलहरूसँग भागबन्डाको प्रस्ताव गर्ने बुझिएको छ ।