सिप्रदी ट्रेडिङ प्रालिले बागलुङमा आफ्नो २६औं शाखा सञ्चालनमा ल्याएको छ ।

चैत १६ गते एक विशेष कार्यक्रमको आयोजना गरी उक्त सर्भिस सेन्टरको शुभारम्भ गरिएको छ । 

उक्त अवसरमा सिप्रदी ट्रेडिङ प्रालिका प्रमूख कार्यकारी अधिकृत राजन बाबु श्रेष्ठले नेपालमा टाटा गाडी बिक्री गर्नुको अतिरिक्त कम्पनीको प्रमुख व्यावसायिक लक्ष्य भनेको विकासशील आवश्यकताहरूको पहिचान गरी उत्कृष्ट बिक्रीपछिको सेवाहरू प्रदान गर्नु रहेको बताए।

ग्राहकको चाहना र आवश्यकलाई पहिलो प्राथमिकतामा दिएर हालको अवस्थालाई ध्यानमा राखी सिप्रदीले टाटा जेन्युइन पार्ट्स तथा ल्युब्रिकेन्टको मूल्यमा पनि भारी छुट सुविधा प्रदान गरेको छ।

त्यसैगरी टाटा प्रोटेक्टअन्तर्गतको सेवा तथा सुविधाका माध्यमबाट ग्राहकहरूलाई छिटो सेवा प्रदान गरी गाडी सञ्चालन खर्चलाई न्यूनीकरण गर्नमा विशेष जोड दिँदै आएको श्रेष्ठले जनाए। 

सिप्रदीको बागलुङ शाखाबाट सम्पूर्ण टाटा गाडीका ग्राहकहरूलाई आवश्यक टाटा जेन्युइन पार्ट्स तथा ल्युब्रिकेन्ट्सको साथमा सर्भिस तथा मर्मत कार्यहरूको सुविधा प्राप्त गर्न सक्नेछन्।

साथै टाटा जेन्युइन पार्ट्मा २२ प्रतिशतसम्म र जेन्युइन आयलमा २५ प्रतिशतसम्म छुट सुविधाहरू प्राप्त गर्न सक्नेछन् ।

टाटा प्रोटेक्टअन्तर्गत ४ घण्टाभित्र सर्भिसिङका कामहरूको ग्यारेन्टी प्रदान गर्नेछ भने ४८ घण्टाभित्र ममर्त कार्यको ग्यारेन्टी प्रदान गर्ने विश्वास दिलाइएको छ। यदि नभएमा प्रतिदिन ११०० रुपैयाँका दरले क्षतिपूर्ति पनि प्रदान गर्नेछ ।

त्यसै गरी एक्सिडेन्टल कार्यहरूका लागि नगदरहित बीमा दाबी सुविधाको साथमा ६० दिनभित्र गाडी मर्मतको ग्यारेन्टी पनि प्रदान गर्ने कम्पनीले जनाएको छ। ग्राहकहरूको गाडी सञ्चालन खर्च न्यूनीकरण गर्न विविध खालका एएमसी सुविधाहरू पनि प्रदान गरिने जनाइएको छ। 

अफरोड भएका गाडीहरूका लागि टाटा अर्लटअन्तर्गत ६ घण्टाभित्र अफरोड भएको स्थानमा पुग्ने र ४८ घण्टाभित्र समाधान गरिनेछ । 

उक्त वर्कशपको शुभारम्भसँगै अब सिप्रदीको २६ वटा आफ्नै शाखा, ८ वटा आधिकरिक सर्भिस सेन्टर र २१ वटा सर्टिफाइड ग्यारेज गरी नेपालभरि ५५ वटा सर्भिस सेन्टरहरूबाट टाटा कमर्सियल गाडीहरूका लागि आवश्यक सम्पूर्ण सेवा तथा सुविधा प्रदान गर्नेछ ।

सिप्रदी ट्रेडिङ प्रालिका प्रमुख सञ्चालक अधिकृत राजेश प्रसाद गिरीले कार्यक्रममा उपस्थित सबैलाई धन्यवाद ज्ञापन गर्दै ग्राहकहरूलाई सधैं उत्कृष्ट सेवा प्रदान गर्ने प्रतिबद्धता व्यक्त गरी कार्यक्रमको समापन गरेका थिए।