नेकपा माओवादी समाजवादीका अध्यक्ष कर्णजित बुढाथोकी ‘शुसिल’ले माओवादी शक्तिबीचको वृहत एकतालाई बिथोल्नेहरु माओवादी भित्रै हरेको आरोप लगाएका छन् । शनिबार राजधानीमा आयोजित एक कार्यक्रममा बोल्दै उनले संकटमा एकता र सहजमा वेवास्ता गर्ने प्रवृत्ति घातक भएको समेत बताएका छन् ।

देशको युगान्तकारी परिवर्तनको संवाहक माओवादी विभिन्न समुहमा विभाजन हुँदा उसको योगदन र एजेण्डहरु संस्थागत हुन नसेकाले यथाशक्य सबै एक ठाउँमा आउन पर्ने धारणा राखे । ‘देश भित्रका प्रतिगामी, प्रतिक्रियावादी संशोधनवादी र बाहिरबाट साम्राज्यवादी विस्तारवादी षड्यन्त्रले माओवादी एकतालाई रोक्न अहिलेसम्म सफल भएका छन्, त्यसलाई परास्त गर्नुपर्छ,’ उनले भने ।

सो कार्यक्रममा बोल्ने स्थायी समिति सदस्यद्वय दिपक जंगम, कृष्ण खड्का, निमार्ण व्यवसायीक संयोजक मदन ढकाल, पोलिटब्युरो सदस्य सुभास लामाले माओवादीहरू विभाजित भएका कारण राजावादीहरुले माओवादीलाई गाली गर्न थालेको बताए ।

सो कार्यक्रममार्फत नेकपा माओवादी समाजवादीले १८ वटा जनवर्गीय संगठनका नेतृत्वहरुको घोषणा गरेको छ ।