१० वैशाखमा हुने उपनिर्वाचनका लागि दलहरू चुनावी प्रचारमा निस्किएका छन् ।

तनहुँ २ मा रास्वपाका रवि लामिछाने, कांग्रेसका जीतनारायण श्रेष्ठ र एमालेका रामप्रसाद न्यौपाने मंगलबार बिहानैदेखि चुनावी प्रचारमा लागेका छन्।

चुनावी प्रचारमा निस्किएका लामिछानेले तनहुँ १ र बारा २ मा रास्वपाका उम्मेदवार विजयी हुने र चितवन २ मा भने आफूले अघिल्लो पटकभन्दा बढी मत ल्याउने दाबी गरेका छन्। 

त्यस्तै एमालेका न्यौपाने र कांग्रेसका श्रेष्ठले पनि अब अघिल्लोपटक जस्तो अवस्था नभएको भन्दै आफूहरूले जित्ने दाबी गरेका छन् ।

एमाले र कांग्रेसले दुवै स्थानीय राजनीतिमा भिजेका उम्मेदवारलाई लामिछानेविरुद्ध उतारेका छन् ।

४ मंसिरको निर्वाचनमा लामिछानले सबैभन्दा बढी मतान्तरले जितेका थिए। 

तनहुँ १ मा पनि कांग्रेसका गोविन्द भट्टराई, एमालेका सर्वेन्द्र खनाल र रास्वपाका स्वर्णिम वाग्लेसहित दलका उम्मेदवारले चुनाव प्रचार प्रचार थालेका छन्। 

यस्तै बारा २ मा पनि जसपाका उपेन्द्र यादव, जनमतका शिवचन्द्र कुशवाहा, एमालेका पुरुषोत्तम पौडेल र रास्वपाका रमेश खरेलसहित उम्मेदवार चुनावी प्रचारमा निस्किएका छन् ।

बारा २ मा एमालेका पौडेलबाहेक प्रमुख दलका उम्मेदवारहरू यादव, कुशावाहा र खरेल पराजित भइसकेका उम्मेदवार हुन् ।