​उदय सुब्बाको निर्देशनमा निर्माण भइरहेको चलचित्र ‘दुई कदम’को छायांकन यतिवेला मुस्ताङमा धमाधम भइरहेको छ । 

चैत १६ गतेबाट छायांकन सुरु भएको चलचित्रलाई धनकुटा, तेह्रथुम, इलाम, झापा र धरानमा पनि खिचिनेछ । 

दयाराम घिमिरेको कथा रहेको लभस्टोरी चलचित्रलाई तारादेवी लिम्बुले निर्माण गर्न लागेकी हुन् । 

अजम्बरी फिल्मसको ब्यानरमा निर्माण भइरहेको चलचित्रमा गौरव पहारी, बुद्धि तामाङ, इओन लिम्बु, सिमोन गिरी, सुनिल थापा, अर्जुन गुरुङ भंगेरी, कविता आले मगर, विमला लिम्बु, चन्दा दाहाल, जीवन लिम्बु लगायतका कलाकारको अभिनय रहनेछ । 

विक्रम डिसीको छायांकन रहने चलचित्रमा तारा प्रकाश लिम्बु र विकास चौधरीको संगीत, राजु किराँतीको द्वन्द्व निर्देशन तथा रामजी लामिछानेको नृत्य निर्देशन रहनेछ ।

निर्माण टिमले चलचित्रको प्रदर्शन लक्ष्य भदौ महिनालाई बनाएर छायांकन गरिरहेको छ ।