नेकपा एमालेका अध्यक्ष केपी शर्मा ओलीलाई भेट्न प्रधानमन्त्री पुष्पकमल दाहाल ‘प्रचण्ड’ र नेपाली कांग्रेसका सभापति शेरबहादुर देउवा बालकोट पुगेका छन् ।

अस्वस्थ भई बालकोटमै आराम गरिरहेका ओलीलाई भेट्न र वर्तमान समसामयिक अवस्थाबारे छलफल गर्न दुवै नेता बालकोट पुगेका हुन् ।

प्रधानमन्त्री प्रचण्डको सचिवालयले ओलीको स्वास्थ्यमा समस्या भएकाले संवैधानिक परिषद् सम्बन्धी र सत्यनिरूपण तथा मेलमिलाप र बेपत्ता पारिएका नागरिक छानबिन सम्बन्धी विधेयकलाई अगाडि बढाउनेबारे छलफल हुन नपाएको जनाएको छ । 

विधेयकबारे छलफल गर्न प्रधानमन्त्री प्रचण्ड र सभापति देउवा ओलीनिवास बालकोट पुगेका हुन् ।