१२ वर्षीया बालिकालाई जबरजस्ती करणी गरेको एक जना पक्राउ परेका छन् ।

पक्राउ पर्नेमा दक्षिणकाली नगरपालिका ८ छैमलेका ३७ वर्षीय पूर्णबहादुर बलामी रहेका छन् । उनलाई प्रहरीले आइतवार पक्राउ गरेको हो ।

बलामीले ती बालिकालाई गत वैशाख १० गते जबरजस्ती करणी गरेको भन्ने उजुरीको आधारमा प्रहरी वृत्त कीर्तिपुरबाट खटिएको प्रहरीले उनलाई पक्राउ गरेको हो । थप अनुसन्धान भइरहेको प्रहरीले जनाएको छ ।