नक्कली भुटानी शरणार्थी प्रकरणमा मुछिएका नेपाली कांग्रेसका नेता तथा पूर्वगृहमन्त्री बालकृष्ण खाँण पक्राउ परेका छन् ।

खाँणलाई बुधवार बिहान अनामनगरस्थित उनकै निवासबाट पक्राउ गरिएको काठमाडौं प्रहरी परिसर प्रमुख एसएसपी दानबहादुर कार्कीले लोकान्तरलाई जानकारी दिए ।

खाँणलाई काठमाडौं प्रहरी परिसर टेकुमा राखिएको छ । 

उनीसँगै उनका निजी सचिव नरेन्द्र केसीलाई समेत पक्राउ गरिएको छ । भुटानी शरणार्थी प्रकरणमा अनुसन्धानका लागि उनलाई नियन्त्रणमा लिइएको हो ।

ठगी प्रकरणमा खाँणपत्नी मञ्जु र कांग्रेस सभापति शेरबहादुर देउवा पत्नी आरजु राणासमेत जोडिएका छन् । 

यस प्रकरणमा जोडिएका उपराष्ट्रपति कार्यालयका बहालवाला सचिव टेकनारायण पाण्डेलाई प्रहरीले एक हप्ता नै अघि पक्राउ गरिसकेको छ ।

यसमा जोडिएका तत्कालीन गृहमन्त्री रामबहादुर थापा बादलका सुरक्षा सल्लाहकार इन्द्र राई पनि पक्राउ परेका छन् ।

एमाले सचिव तथा सांसद टोपबहादुर रायमाझी भने फरार छन् । गत बुधवार पक्राउ पुर्जी जारी भएपछि उनी फरार भएका हुन् ।

हेर्नुहोस्, थप तस्वीरहरू :