काठमाडौँ ।  भाडाका सवारीसाधनको प्रयोग गरेबापत तिर्नुपर्ने वार्षिक करको विवरण तय गरिएको छ ।  सरकारको अर्थसम्बन्धी प्रस्तावलाई कार्यान्वयन गर्न बनेको विधेयकमा भाडाका सवारीसाधन धनीले यातायात व्यवस्था कार्यालयमा सवारी धनी दर्ता वा नवीकरणका बेला तिर्नुपर्ने करको विवरण निर्धारण गरिएको हो । 

विधेयकमा कार, जिप, भ्यान, माइक्रो बस १३०० सिसीसम्मको ५ हजार ५०० रुपैयाँ वार्षिक कर तिर्नुपर्ने उल्लेख छ । 

यस्तै १३०१ देखि २ हजार सिसीसम्म ६ हजार, २१०१ देखि २९०० सिसीसम्मको ६ हजार ५००, २९ सय १ देखि ४ हजार सिसीसम्मको ८ हजार रुपैयाँ कर निर्धारण गरिएको छ । 

यस्तै १ हजार १ सिसीभन्दा माथिका सवारीसाधनको कर ९ हजार तिर्नुपर्ने विधेयकमा उल्लेख छ । 

यस्तै मिनिबस, मिनी ट्रक र पानी ट्याङ्करको ८ हजार, मिनी टिपरको ९ हजार, बस र ट्रकको १० हजार ५००, डोजरको १५ हजार ५००, तेल ट्याङ्कर तथा ग्यास ट्याङ्करको १५ हजार ५०० रुपैयाँ कर निर्धारण भएको छ । 

यस्तै ट्याक्टरको २ हजार ५००, पावर लिटरको २ हजार, अटो रिक्साको २ हजार ५००, विद्युतीय सवारीसाधनको ३ हजारदेखि ७ हजार ५०० सम्म कर निर्धारण भएको विधेयकमा उल्लेख छ ।