संघर्ष समितिसँग वार्ता गर्नुअघि छुट्टै छलफलमा सरकारी वार्ता समिति

प्रदेश १ पुनः नामकरण संयुक्त संघर्ष समितिसँग वार्ता गर्नुअघि सरकारको वार्ता समितिले छुट्टै छलफल गरेको छ ।

विराटनगरको बिग होटलमा कोशी प्रदेशको वार्ता टोलीका ३ मन्त्री छलफलमा जुटेका छन् ।

वार्ताका लागि एजेन्डा तयार गर्न उनीहरू छलफलमा जुटेका स्रोतले जनाएको छ ।

सरकारको वार्ता टोलीमा खानेपानीमन्त्री तिलकुमार मेयाङ्बोको संयोजकत्वमा उद्योग, कृषि तथा सहकारी मन्त्री भक्तिप्रसाद सिटौला र सामाजिक विकासमन्त्री बुद्धिकुमार राजभण्डारी सदस्य छन् ।

आन्दोलनरत पक्षका वार्ता टोलीका सदस्यहरू वार्ता गर्ने भनिएको बिग होटलमा आइपुगेका छैनन् । आन्दोलनरत पक्षको तर्फबाट वार्ता समितिमा गोविन्द आङ्बुङ, युवराज राई, रामभक्त कुरुम्बाङ, लाक्पा शेर्पा, गेल्जे शेर्पा, कुमार लिङ्देन, रमेश राई, कृष्ण चोङ्बाङ, प्रेम मिभक र पदम जवेगू छन् ।