मंसिर ४, २०८०
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
काठमाडाैं | असार ७, २०८०
नेपाली अर्थतन्त्रको अवस्था झल्काउने मुख्य चित्र केन्द्रीय बैंकले सार्वजनिक गर्दै आएको अर्थतन्त्रको बाह्य सूचक हो ।
नेपाल राष्ट्र बैंकले मासिकरूपमा संकलन गरेर सार्वजनिक गर्दै आएको यस्तो तथ्यांकमा पछिल्लो ६ महिनायता उल्लेख्य सुधार भइसकेको देखिन्छ ।
केन्द्रीय बैंकको तथ्यांकअनुसार रेमिट्यान्स वृद्धिले रेकर्ड बनाउँदै छ । गत वर्ष १० खर्ब ७ अर्ब रुपैयाँ भित्रिएको यस्तो रकम यो वर्ष १० महिनामा नै १० खर्ब ५ अर्ब पुगिसकेको छ । असार मसान्तसम्ममा रेमिट्यान्स १३ खर्ब रुपैयाँ पुग्ने अनुमान भइरहेको छ ।
विदेशी मुद्रा सञ्चिति उल्लेख्य मात्रामा बढेको छ । देशबाट भित्रिने र बाहिरिने रकमबीचको अन्तर भुक्तानी सन्तुलनको मापन शोधनान्तर स्थिति बचतमा छ । आयात धान्ने क्षमता सन्तोषजक रूपमै रहेको छ भने महंगीको वृद्धिदर औसतमा ७ प्रतिशतकै हाराहारीमा छ ।
यो तथ्यांकले मुलुकको बाह्य अर्थतन्त्र ठीकठाक रहेको देखाउँछ, तर आन्तरिक अर्थतन्त्रमा भने भ्वाङ नै भ्वाङ छ ।
आन्तरिक अर्थतन्त्र कोभिडपछिको २ वर्षमा जुन गतिमा सुधार भएको थियो त्यो गति अहिले छैन । आन्तरिक अर्थतन्त्रका अधिकांश सूचक नकारात्मक छन् । बैंकमा तरलता थुप्रिए पनि कर्जा विस्तार ठप्पप्रायः छ ।
आर्थिक हिसाब बिग्रिएका कारण चेकबाउन्सको मुद्दा ८ हजारभन्दा बढी पुगेको छ । बैंक तथा वित्तीय संस्थासँगको कारोबार नमिलेका र ऋण तिर्न नसकेर कालोसूचीमा पर्ने व्यवसायीको संख्या २१ हजार नाघेको छ जसले समग्र अर्थतन्त्रको नकारात्मक अवस्थालाई चित्रित गर्छ ।
बैंकको कर्जा विस्तार १२ प्रतिशत पुर्याउने केन्द्रीय बैंकको लक्ष्य भए पनि वैशाखसम्ममा जम्मा ८ प्रतिशतले मात्रै विस्तार भएको छ ।
कर्जा विस्तार घट्नुले निजी क्षेत्रको विस्तार रोकिएको र अर्थतन्त्रमा नकारात्मक असर परेको भन्दै निजी क्षेत्रले पटक–पटक सरकारलाई झक्झक्याइरहेको छ । यस्तो कर्जा विस्तारमा गत वर्ष १९ प्रतिशतको लक्ष्य भए पनि त्यो भन्दा माथि पुगेको थियो ।
आन्तरिक अर्थतन्त्रका सूचक मापन गर्ने मुख्य आधार पुँजी बजारमा स्थिरता, घरजग्गा, निजी क्षेत्रको कर्जा विस्तार, आन्तरिक उत्पादनमा भएको कमी तथा माग बढ्न नसकेको सहितका कारण अर्थतन्त्र संकुचनमा छ ।
अर्थतन्त्रको संकुचनमा आन्तरिक कारणका साथै बाह्य कारण पनि उत्तिकै निर्णायक छन् ।
रसिया युक्रेन युद्ध, अन्तर्राष्ट्रिय क्षेत्रमा देखिएको आर्थिक मन्दी, धेरै आयात र कम निर्यातसहितले नेपाली अर्थतन्त्रको आन्तरिक सूचकमा सुधार हुन सकेको छैन ।
चालू आर्थिक वर्षको पछिल्लो १० महिनाको अर्थतन्त्रको चित्र:
नेपाल उद्योग परिसंघका वरिष्ठ उपाध्यक्ष राजेशकुमार अग्रवाल बढेको मुद्रा स्फिति नियन्त्रण गर्ने नाममा सरकारले लिएका नीतिले माग घटाउने काम मात्रै गरेको बताउँछन्, जसका कारण आयात र माग दुवै घट्दा यसको असर एकैपटक अर्थतन्त्रमा परेको अग्रवालको तर्क छ ।
अग्रवालले भने, ‘बैंक दर बढाउने, ऋण नियन्त्रण गर्ने, ब्याज बढाउने, अनिवार्य नगद मौज्दातको सीमा बढाउनेसहित अर्थतन्त्रमा नकारात्मक असर पर्ने काम सरकारले नै गर्दै आएको छ । अर्थतन्त्रका टुल्स अध्ययनविना र महत्त्व नहेरी चालइदिँदा अहिलेसम्म नकारात्मक असर परिरहेको छ ।’
सरकारले कुल गार्हस्थ उत्पादन (जीडीपी)लाई बढाउने र मूल्य वृद्धिलाई नियन्त्रणमा राख्ने काम सन्तुलन मिलाएर गर्न नसक्दा पनि आन्तरिक अर्थतन्त्रमा संकुचन आएको तर्क उनको छ ।
आन्तरिक र बाह्य ऋणमा मिलाउन नसकेको सन्तुलनको असरले पनि आन्तरिक अर्थतन्त्रलाई थप संकुचनतर्फ धकेल्न सहयोग गरेको अग्रवालले बताए ।
सरकारले विस्तारै कडाइ गर्नुपर्नेमा एकैपटक कडा नीति लिएका कारण बजारमा लामो समयसम्म प्रभाव पर्ने देखिएको छ ।
सरकारले नै अर्थतन्त्रमा समस्या देखियो भनेर आत्तिएर दीर्घकालीन असर नै नहेरी निर्णय गरेको असर अहिलेसम्म बाँकी रहेको निजी क्षेत्रले बताउँदै आएको छ ।
नेपालको अर्थतन्त्र आयातमुखी छ, जसका कारण एउटा विषयमा मात्रै कडा गर्ने भन्ने सिद्धान्त नेपाली अर्थतन्त्रमा सुहाउँदैन ।
अर्थतन्त्र संकुचनमा जान नदिन र व्यावहारिक रूपमा कार्यान्वयन गर्न सक्ने गरी केही प्रावधानलाई खुकुलो बनाउने हो भने अझै सुधारको ठाउँ रहेको अग्रवालले बताए ।
राष्ट्र बैंकले दीर्घकालीन असरको मूल्यांकन नगरी हतारमा ल्याएको चालू पुँजी कर्जा नीतिका कारण पनि अर्थतन्त्रलाई धक्का पुगेको भन्दै निजी क्षेत्रले अहिलेसम्म यसलाई स्वीकार्न सकेको छैन ।
अबको मौद्रिक नीतिले यसमा ध्यान नदिने हो भने अर्थतन्त्र अझै सम्हालिन नसक्ने चेतावनी निजी क्षेत्रले दिइरहेको छ ।
नेपाल उद्योग वाणिज्य महासंघका उपाध्यक्ष सुरजकृष्ण वैद्य शेयर र घरजग्गा कारोबार चलायमान नभएसम्म अर्थतन्त्र गतिशील हुँदैन भन्ने जान्दाजन्दै सरकारले यसलाई बेवास्ता गरिरहेको बताउँछन् ।
सरकारले चालू पुँजी कर्जा नीति एकैपटक कार्यान्वयन गर्न खोज्नु, आयात नियन्त्रणको नाममा झ्यप्पै बन्द गरिदिनु, अटो, घरजग्गामा ऋण नदिनु नै अहिलेसम्म देखिएको समस्याको कारण भएको वैद्यले बताए ।
‘हिजोका दिनमा जति कमी कमजोरी भए, अझै पनि तिनलाई सुधार गरेर जान सक्ने अवस्था छ । त्यसका लागि आगामी मौद्रिक नीतिले सम्बोधन गर्न सक्नुपर्छ ।’
रेमिट्यान्स बढ्ने, पर्यटक आगमन बढ्ने, विदेशी मुद्रा सञ्चिति बढ्ने तर, आन्तरिक अर्थतन्त्र खुम्चिने अवस्थाले संकट गहिरिएको संकेत गर्ने उनको भनाइ छ । बैंकमा पैसा हुँदाहुँदै पनि कर्जा नपाउने स्थिति समेत गम्भीर भएको उनले बताए ।
नेपाल राष्ट्र बैंकका प्रवक्ता गुणकर भट्ट भने अर्थतन्त्रका सूचक विस्तारै सकारात्मक हुँदै गएकाले अब २ वर्ष पहिलेकै जस्तो अवस्थामा पुग्ने बताउँछन् ।
‘बिग्रिएका सूचकमा सुधार भएको छ भने जहाँजहाँ कमजोरी छ त्यहीँत्यहीँ सुधार गरेर अगाडि बढ्ने काम पनि भइरहेको छ । अब अर्थतन्त्र लयमा फर्कन्छ र आन्तरिक बजार चलायमान हुन्छ भन्नेमा विश्वस्त हुन सकिन्छ,’ उनले भने ।
यसअघि आन्तरिक कारण मात्रै नभएर अन्तर्राष्ट्रिय कारणले निम्तिएको संकुचनमा सुधार आउन लागेको उनले बताए ।
संकटको मुखमा पुगेको अर्थतन्त्र सरकारी नीतिकै कारण जोगिएको उनले दाबी गरे । ‘कडाइ गर्ने नीतिका कारण अर्थतन्त्र जोगिएको हो, अब गति लिन्छ’, भट्टले भने ।
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
मिडियाकै हितविपरीत काम गरेर विवादमा तानिएको विज्ञापन बोर्डले दुई वर्षमा राज्यकोषमा २० करोड ३१ लाख रुपैयाँ बढी व्ययभार थपेको छ । मिडियाको हितविपरीत एकपछि अर्को निर्णय गरेको बोर्डले विगत दुई वर्षमा २० करोड ३१...
नेपाल राष्ट्र बैंकले मंगलबारका लागि तोकेको विदेशी मुद्राको विनिमयदर अनुसार अमेरिकी डलर एकको खरिददर १३३ रुपैयाँ ०४ पैसा र बिक्रीदर १३३ रुपैयाँ ६४ पैसा रहेको छ । यसैगरी युरो एकको खरिददर १४२ रुपैयाँ १६ पै...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...