सत्तारुढ गठबन्धनले कोशी प्रदेशमा नेपाली कांग्रेस संसदीय दलका नेता उद्धव थापालाई मुख्यमन्त्री बनाउने निर्णय गरेको छ ।

प्रधानमन्त्री निवास बालुवाटारमा सोमवार बसेको बैठकले थापालाई मुख्यमन्त्री बनाउने निर्णय गरेको नेकपा एकीकृत समाजवादीका कार्यबाहक अध्यक्ष राजेन्द्र पाण्डेले बताए ।

कोशी प्रदेश प्रमुखले मुख्यमन्त्रीका लागि दाबी पेश गर्न आह्वान गरिसकेका छन् । 

तत्कालीन मुख्यमन्त्री नेकपा एमालेका नेता हिक्मतकुमार कार्कीले विश्वासको मत पाउन नसकेपछि नयाँ मुख्यमन्त्री नियुक्तिको प्रक्रिया अगाडि बढेको छ ।