कोशी प्रदेशका नवनियुक्त मुख्यमन्त्री उद्धव थापाले शपथ ग्रहणलगतै मन्त्रिपरिषद् विस्तार गर्ने बताएका छन् ।

मुख्यमन्त्री नियुक्त भएपछि सञ्चारकर्मीलाई संक्षिप्त प्रतिक्रिया दिँदै उनले आफ्नो प्राथमिकता प्रदेशको विकास र समृद्धि रहेको बताए ।

पहिचानको मुद्दालाई पनि वार्ताको माध्यमबाट मिलाएर लैजाने प्रयास गर्ने उनले बताए । सभामुख बाबुराम गौतमको छुट्टै हस्ताक्षर लिएर दाबी पेश गर्न पुगेका थापाले सभामुख विवादमा नआउने बताए ।

उनले सभामुख पनि ९३ जनामै परेकाले त्यो नौलो विषय नभएको बताए । उनले ३० दिनभित्रमा विश्वासको मत लिने बताए । भोलि शुक्रवार बिहान ९ बजेका लागि प्रदेश प्रमुखको कार्यालयले शपथ ग्रहणको तयारी गरेको छ ।