फिल्म ‘पशुपति प्रसाद २ : भष्मे डन’को टिजर सार्वजनिक गरिएको छ । 

मंगलवार अभिनेता विपिन कार्कीको जन्मदिनको अवसर पारेर युट्युबमार्फत टिजर सार्वजनिक गरिएको हो । सार्वजनिक टिजरमा अभिनेता  विपिनलाई मात्रै चित्रण गरिएको छ । उनी भष्मे डनको अवतारमा प्रस्तुत छन् । टिजरमा सुनको दाँत लगाउँदै गरेको अवस्थामा प्रस्तुत विपिनको संवाद समेत समावेश छ । 

‘पशुपति प्रसाद’को पात्र ‘भष्मे डन’माथि केन्द्रित रहेर ‘पशुपति प्रसाद २ : भष्मे डन’ निर्माण गरिएको हो । 

दीपेन्द्र के. खनालको निर्देशनमा बनेको फिल्ममा विपिनसँगै सौगात मल्ल, स्वस्तिमा खड्का, वर्षा शिवाकोटी, रवीन्द्र सिंह बानियाँ, प्रकाश घिमिरे लगायतको अभिनय छ । खगेन्द्र लामिछाने फिल्मका लेखक एवं निर्माता हुन् । 

आगामी दशैँमा यो फिल्म प्रदर्शनमा आउनेछ ।