×

NIC ASIA

जिल्ला न्यायाधीशको परीक्षा

न्यायाधीश चयनमा सधैं उही चाल– लिखित परीक्षामा फेल, पछि तिनैलाई मनोनयन

६ वर्षमा १११ जिल्ला न्यायाधीशका लागि लिखित परीक्षा, ११ सय सहभागी हुँदा ६९ मात्र पास

काठमाडाैं | भदौ ३१, २०८०

Prabhu Bank
NTC
Premier Steels
Marvel

२९ जना जिल्ला न्यायाधीशका लागि भनेर लिइएको लिखित परीक्षामा १ जना मात्र उत्तीर्ण भएपछि धेरैको ध्यान यसतर्फ केन्द्रित भएको छ ।

२११ जना सम्मिलित परीक्षामा एक जनामात्र अन्तर्वार्ताका लागि छनोट भएको न्याय सेवा आयोगले आइतवार सूचनामार्फत जानकारी गराएको छ ।


Advertisment
RMC TANSEN
IME BANK INNEWS
shivam ISLAND

यो ताजा विषय भएकाले धेरै चर्चा भए पनि यसअघिका परीक्षाको नतिजा पनि खासै उत्साहजनक रहेको देखिन्न ।


Advertisment
Rupse Holidays
Nabil box

जिल्ला न्यायाधीशका लागि हालसम्म लिइएका ५ लिखित परीक्षामा १ हजार १ सय १ जना सहभागी हुँदा ६९ जना मात्र उत्तीर्ण भएको न्याय सेवा आयोगको तथ्यांक छ ।

Vianet communication

संविधान जारी भएपछि २०७४ देखि २०८० सालसम्म ६ वर्षमा कुल १ सय ११ जिल्ला न्यायाधीशका लागि लिइएको लिखित परीक्षामा ६९ जना मात्र उत्तीर्ण भएका हुन् ।

खुला, आन्तरिक खुला तथा विभिन्न समावेशी क्लस्टरमा परीक्षा लिइएको थियो ।

लिखित परीक्षामा अधिवक्ता, सरकारी वकिल, न्याय समूहका कर्मचारी र कानून समूहका कर्मचारीहरू सहभागी हुने गर्छन् ।

कर्मचारी र सरकारी वकिल समूहबाट लिखित परीक्षामा उत्तीर्ण हुने गरेको भए पनि अधिवक्तातर्फबाट विरलै मात्र उत्तीर्ण हुन्छन् ।

.....

न्याय सेवा आयोगले २९ जना जिल्ला न्यायाधीशका लागि २०८० साउन १६ देखि २० गतेसम्म लिएको लिखित पारसमणि पोखरेल मात्र अन्तर्वार्ताका लागि छनोट भएका छन् ।

लिखित परीक्षामा उनीसँगै २११ जना सहभागी भएका थिए । आयोगले आन्तरिक खुलातर्फ १५ जना, खुलातर्फ ७ जना, महिला २ जना, आदिवासी जनजाति २ जना, मधेशी २ जना र दलित १ जना गरी कुल २९ जिल्ला न्यायाधीशका लागि परीक्षा लिएको थियो । 

.....

२०७८ असोज १२-१७ गतेसम्म १८ जिल्ला न्यायाधीशका लागि लिइएको लिखित परीक्षामा १९६ जना सहभागी भए पनि ३ जना मात्र उत्तीर्ण भएका थिए । ओमबहादुर सोडारी, चन्द्रकुमार पोखरेल र भुवन गिरी मात्र उत्तीर्ण भएका हुन् ।

आन्तरिक खुलामा ९ जना, खुलामा ५ जना, महिलामा २ जना, आदिवासी जनजातिमा १ जना र मधेशी क्लष्टरमा १ जना गरी कुल १८ जना न्यायाधीशको माग भएकोमा आन्तरिक खुलातर्फ तीनजना मात्र उत्तीर्ण भएका थिए ।

.....

२९ जना न्यायाधीशका लागि २०७६ फागुन २२ देखि २४ गतेसम्म लिइएको लिखित परीक्षामा २२९ जना सहभागी भएका थिए । तर, २६ जना मात्र उत्तीर्ण भए ।

अम्बिकाप्रसाद दाहाल, ईश्वरमणि ओझा, उत्तम सिलवाल, उद्धवप्रसाद गजुरेल, केशवराज चपाई, खेमराज भट्ट, चन्द्रप्रकाश तिवारी, जगतबहादुर पौडेल, टेकनाथ गौतम, टेकराज भुसाल, ठाकुरप्रसाद खरेल, डिल्लीराज शर्मा अर्याल, ढाकाराम पौडेल, तिलकबहादुर कार्की, दिलकुमार बर्देवा र ध्रुवराज कार्की उत्तीर्ण भएका थिए ।

त्यसैगरी पुण्यप्रसाद सापकोटा, बलराम लम्साल, बालकृष्ण वाग्ले, मनोजकुमार श्रीवास्तव, यज्ञप्रसाद आचार्य, रामचन्द्र खड्का, रोमाकान्त ज्ञवाली, लोकबहादुर हमाल, विष्णुप्रसाद अवस्थी र श्यामबिहारी मौर्य पनि उत्तीर्ण भएका थिए ।

आन्तरिक खुलातर्फ १४, खुलातर्फ ९, महिलातर्फ १, आदिवासी जनजातितर्फ २, मधेशीतर्फ १, अपांगतातर्फ १ र पिछडिएको क्षेत्रतर्फ १ गरी कुल २९ न्यायाधीश पदका लागि लिखित परीक्षा लिइएको थियो, जसमध्ये आन्तरिक खुलातर्फ १६ जना, खुलातर्फ २६ जना, मधेशीतर्फ २ जना र अपाङ्गता भएकातर्फ १ जना उत्तीर्ण भएका थिए ।

.....

२०७५ चैत १०-१४ गते सम्म ५ जना जिल्ला न्यायाधीश पदका लागि लिइएको लिखित परीक्षामा ९२ जना सहभागी भएकोमा ८ जना उत्तीर्ण भएका थिए । नवीनकुमार जोशी, पदमराज पाण्डेय, महेश खनाल, माधवप्रसाद घिमिरे, लोकबहादुर हमाल, शम्भुप्रसाद रेग्मी, शिवलाल पाण्डेय, सीता शर्मा अधिकारी उत्तीर्ण भएका थिए ।

आन्तरिक खुलातर्फ ३, खुलातर्फ १ र महिलातर्फ १ गरी कुल ५ पद माग भएकोमा आन्तरिक खुलातर्फ ४, खुलातर्फ ४ र महिलातर्फ १ जना मात्र उत्तीर्ण भएका थिए ।

त्यसैगरी २०७४ फागुन ९ गते ३० जिल्ला न्यायाधीशका लागि लिइएको लिखित परीक्षामा ३७३ जना सहभागी भएकोमा ३१ जना उत्तीर्ण भएका थिए । एकैजनाले अलग-अलग क्लस्टरमा नाम निकालेका कारण १६ जना मात्र छनोट भएका थिए ।

.....

नेपाल बार एसोसिएसनका अध्यक्ष गोपालकृष्ण घिमिरे धेरैजना फेल हुनुको दोष 'कोर्स'लाई दिन्छन् । यसपटक वकिल मात्र नभएर उपसचिवहरू पनि फेल भएकाले पाठ्यक्रमलाई नै व्यावहारिक बनाउनुपर्ने उनको माग छ ।

'विगतमा उपसचिवहरू पास हुने गरेका थिए, तर यसपटक त उपसचिवहरू पनि फेल भए,' घिमिरेले लोकान्तरसँग भने, 'अब अहिले लिखित परीक्षामा फेल भएका उपसचिवलाई नै जिल्ला न्यायाधीश ल्याउनुपर्ने हुन्छ ।'

लिखित परीक्षाको 'कोर्स' नै फेरिनुपर्ने उनको कथन छ ।

'उपसचिव र सहसचिवको जाँचमा सोधिने प्रश्नहरू जिल्ला न्यायाधीशको जाँचमा सोध्ने गरिएको छ,' उनले थपे, 'जिल्ला न्यायाधीशको भूमिका कस्तो हुनुपर्छ भन्ने कोर्स डिजाइन नगरी उपसचिव, सहसचिवका लागि सोधिने प्रश्न राख्नु व्यावहारिक हुँदैन ।'

रिक्त न्यायाधीशहरूको पदलाई शतप्रतिशत मानी २० प्रतिशत न्याय सेवाको राजपत्रांकित द्वितीय श्रेणीको पदमा कम्तीमा तीन वर्ष काम गरेका अधिकृतहरूमध्येबाट ज्येष्ठता, योग्यता र कार्यक्षमताका आधारमा नियुक्त हुने गर्छन् । लिखित परीक्षामा फेल भएर पनि ज्येष्ठताको आधरमा ती उपसचिवहरूलाई नै न्यायाधीशमा ल्याउने गरिएको छ ।

त्यसैगरी ४० प्रतिशत न्याय सेवाको राजपत्रांकित द्वितीय श्रेणीको पदमा कम्तीमा ३ वर्ष काम गरेका अधिकृतहरूमध्येबाट खुला प्रतियोगिताको आधारमा चयन हुने संवैधानिक प्रावधान छ ।

बाँकी ४० प्रतिशतको हकमा भने कानूनमा स्नातक उपाधि प्राप्त गरी अधिवक्ताका रूपमा निरन्तर कम्तीमा ८ वर्ष वकालत गरेका, कानूनमा स्नातक उपाधि प्राप्त गरी न्याय सेवाको राजपत्रांकित पदमा कम्तीमा ८ वर्ष काम गरेका मध्येबाट खुला प्रतियोगितात्मक परीक्षाको आधारमा नियुक्त हुने भनी संविधानमा व्यवस्था गरिएको छ ।

तर, लिखित परीक्षा दिने अधिवक्तादेखि उपसचिवहरू फेल हुँदा बाँकी रिक्त हुने पदमा पनि मनोनयन गर्ने गरिएको छ ।

hAMROPATRO BELOW NEWS
TATA Below
बैशाख ३०, २०८१

नक्कली भुटानी शरणार्थी प्रकरणमा उच्च अदालत पाटनबाट धरौटीमा रिहा भएका पूर्व गृहमन्त्री बालकृष्ण खाणविरुद्ध महान्यायाधिवक्ता कार्यालयले अझैसम्म सर्वोच्च अदालतमा निवेदन दिएको छैन । काठमाडौं जिल्ला अदालतले खाणलाई थ...

चैत २, २०८०

त्रिभुवन विमानस्थल भन्सार बाहिरबाट गत साउन २ गते समातिएको झण्डै ६१ केजी सुन तस्करीमा संलग्न विचौलिया जीवन चलाउनेले प्रहरी हिरासतबाट छुट्न ६० लाखको बार्गेनिङ भएको छानबिन समितिलाई बयान दिएका छन् । ३० लाख रुपैय...

मंसिर २९, २०८०

सूचनाको हकसम्बन्धी ऐन, २०६४ बमोजिम प्रधानमन्त्रीका सचिवालय सदस्यहरूको नियुक्ति तथा पारिश्रमिकसम्बन्धी विवरण उपलब्ध गराएबापत प्रधानमन्त्री कार्यालयकी सूचना अधिकारी कविता फुयाँलको जिम्मेवारी खोसिएको छ । करिब ५ वर्...

माघ ३, २०८०

राष्ट्रिय सतर्कता केन्द्रको परिपत्रविपरीत कर्मचारीको कोटामा खानेपानीमन्त्री महिन्द्र राय यादवका छोरा सुनिल अधिकारी यादव विदेश भ्रमणमा गएका छन् । मन्त्री यादवका छोरा सुनिल भारतको उडिसा प्रदेशमा कर्मचारीको कोटामा ...

बैशाख १३, २०८१

स्वास्थ्य तथा जनसंख्या मन्त्री उपेन्द्र यादवका छोरा अमरेन्द्र यादवले मन्त्रालयमा 'छायाँ मन्त्री'को झल्को दिनेगरी काम गरिरहेको चर्चा हुन थालेको छ । मन्त्री यादवले गर्नुपर्ने कामसमेत स्वकीय सचिवको रूपमा रहेका ...

कात्तिक २२, २०८०

अख्तियार दुरुपयोग अनुसन्धान आयोगले टेलिकम्युनिकेसन ट्राफिक मनिटरिङ एण्ड फ्रड कन्ट्रोल सिस्टम (टेराम्क्स) प्रविधि खरिद प्रकरणमा नेपाल दुरसञ्चार प्राधिकरणका २० जना पदाधिकारी तथा कर्मचारीसँग बयान लिएको छ ।  ट...

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

जेठ ३२, २०८१

कानूनअनुसार असार १ प्रदेश सरकारले आ–आफ्नो सभामा बजेट प्रस्तुत गर्ने दिन हो । नेपालको संविधान र कानूनले बजेट प्रस्तुत गर्ने समय तोकिदिएको छ । यसरी बजेट प्रस्तुत गर्ने दिन नै तोक्नुका २ कारण छन् । पहिलो, तह...

कहाँ हरायो कांग्रेस महासमितिको निर्णय ?

कहाँ हरायो कांग्रेस महासमितिको निर्णय ?

जेठ ३१, २०८१

अढाइ वर्षअघि नेपाली कांग्रेसको १४औं महाधिवेशन नेतृत्व मात्र चयन गरी ६ महिनाभित्र नीति महाधिवेशन आयोजना गर्ने र आवश्यक निर्णय लिने निष्कर्षमा पुगेको थियो । तत्पश्चात् निकै लामो समय पार्टीभित्र र बाहिर नीति महाधिवे...

बाबुरामका एक्ला बृहस्पति ‘फणीन्द्र’– २१ वर्षअघिको त्यो क्षण र गण्डकीको ‘फ्लोर क्रस’

बाबुरामका एक्ला बृहस्पति ‘फणीन्द्र’– २१ वर्षअघिको त्यो क्षण र गण्डकीको ‘फ्लोर क्रस’

जेठ २९, २०८१

गण्डकी प्रदेशका मुख्यमन्त्री सुरेन्द्रराज पाण्डेले सोमबार विश्वासको मत प्राप्त गरेका छन् । नेकपा (माओवादी केन्द्र)को चिह्न ‘गोलाकारभित्र हँसिया हथौडा’बाट चुनाव जितेका फणीन्द्र देवकोटाले 'फ्लोर क्रस'...

x