×

NIC ASIA

श्रीमती र आमालाई सुन ल्याउँदाको सास्ती

किलोका किलो सुन छिर्ने एयरपोर्टमा प्रमोद र पुनमदेवीलाई दिइएको दुःखको दर्दनाक कथा

​दूधेबालक च्याप्दै महोत्तरीबाट १० पटक काठमाडौं धाइन्, हाकिम भेट्न समेत दिइँदैन

काठमाडाैं | असोज २, २०८०

Prabhu Bank
NTC
Premier Steels
Marvel

पुनमदेवी महतो कोइरी भदौ २९ गते त्रिभुवन अन्तर्राष्ट्रिय विमानस्थल भन्सार कार्यालय सिनामंगलको गेटमा बसेर कार्यालय प्रमुख टेकराज पाण्डेलाई कुरिरहेकी थिइन् । काखमा दूधे बालक थिए ।

महोत्तरीको भंगाहा नगरपालिका– १ बिर्ताबाट देवर विनोदकुमार महतो कोइरीलाई साथमा लिएर काठमाडौं आएकी रहिछन् । पुनमदेवी यसरी काठमाडौं धाएको पहिलोपटक हैन, १० पटक भइसकेछ ।


Advertisment
RMC TANSEN
IME BANK INNEWS
shivam ISLAND

गाडीबाट सिधै सिनामंगल ओर्लेकी उनी कार्यालय प्रमुख आउने प्रतीक्षा गरेर गेटमा कुरिरहेकी थिइन् । करीब १० बज्नै लाग्दा प्रमुख भन्सारक पाण्डे आइपुगे । पुनमदेवी पनि पाण्डेको कार्यकक्षतर्फ लागिन् ।


Advertisment
Rupse Holidays
Nabil box

पाण्डेको कार्यकक्ष अगाडि सचिवालयमा पुगेर भेटका लागि नाम टिपाइन्, तर ४ घण्टा कुर्दा पनि उनको पालो आएन । विभिन्न व्यक्ति आए, गए । खाजा खाने समयसम्म पनि उनलाई बोलाइएन ।

Vianet communication

कहिले यता, कहिले उता गर्दै भौँतारिएकी पुनमदेवीलाई कसैले वास्ता गरेनन् । 

त्यसपछि दिउँसो करीब ३ बजे रुँदै उपसचिव नारद गौतमको कार्यकक्षमा छिरिन् । गौतमले सान्त्वना दिने प्रयास त गरे, तर काम हुने कुरा गरेनन् । त्यहाँ पनि उनी निराश नै भइन् ।

कुरा रहेछ, अघिल्लो दशैंताकाको । कतारमा काम गर्ने उनका श्रीमान प्रमोद महतो कोइरी दशैंको १० दिनअगाडि कतारबाट नेपाल आएका थिए । विश्वकप फूटबलका कारण कम्पनीले ३ महिना बिदा दिएको थियो ।

विदेश जाँदा श्रीमतीको ३ तोला गहना बेचेर गएका उनले फर्किँदा श्रीमती र आमाका लागि भनेर ५० ग्राम (साढे ४ तोला) सुन ल्याएका रहेछन् ।

‘विदेश जाँदा बेचेको सुन फिर्ता गर्छु भनेर मलाई ३ तोला र आमालाई २ तोला सुन ल्याइदिनुभएको थियो,’ पुनमदेवीले लोकान्तरसँग भनिन् ।

तत्कालीन समयमा पुरुषले पनि विदेशबाट ५० ग्रामसम्म सुन ल्याउन पाउने व्यवस्था थियो । भन्सारले चेकजाँच गरेर छाडिसकेपछि प्रहरीले उनलाई पक्राउ गर्‍यो ।

‘भन्सारले केही भनेन, त्यहाँबाट निस्केपछि एउटा प्रहरीले हातमा किन लगाएको, गोजीमा हाल भनेपछि उहाँले हाल्नुभएको रहेछ । बाहिर ट्याक्सी कुर्ने ठाउँमा आएपछि अर्को प्रहरीले गोजीमा चेक गरेर तस्कर भन्दै समाएछ,’ पुनमदेवीले गुनासो पोखिन् ।

null

उनका अनुसार प्रहरीले ४ दिन प्रहरी वृत्त गौशालामा राखेपछि प्रमोदलाई भन्सार कार्यालय सिनामंगलमा बुझाएको थियो । त्यसपछि मात्र घरमा फोन सम्पर्क भएको थियो । 

धरौटीको पैसा राख्नका लागि पुनमदेवीका देवर अर्थात प्रमोदका भाइ विनोदकुमार महतो कोइरीले ‘सानाकिसान’बाट जग्गा धितो राखेर ४ लाख रुपैयाँ निकालेको बताए ।

‘दाइले मलाई प्रहरीले समायो, धरौटीका लागि ४ लाख रुपैयाँ चाहियो भनेपछि साना किसानबाट ऋण खोजेर धरौटी तिरेका हौं,’ विनोदले लोकान्तरसँग भने । 

त्यसयता विनोद र पुनमदेवी भन्सार कार्यालय धाएकोधायै छन् । 

आफूहरू १० पटक तारेखमा आइसकेको विनोदले बताए । शुरूमा दाजुले तारेख धाएको र पछि आफूलाई वारेस बनेर तारेख धान्ने अनुमति दिइएको उनले बताए ।

तत्कालीन भन्सार प्रमुख अरुण पोखरेलले प्रमोदलाई विदेश जान अनुमति दिएपछि २०७९ साल माघ महिनादेखि हरेक महिना तारिख धाउन विनोद आइरहेका छन् । 

‘मेरा परिवारले तारिख बोक्न पाउँछन् कि पाउँदैनन् ? भन्दा पोसपोर्ट दिन्छु, निवेदन देऊ भनेपछि दाजुले निवेदन दिएर अनुमति पाएपछि विदेश जानुभएको थियो,’ विनोदले लोकान्तरसँग भने । 

त्यो समयमा अरुण पोखरेलले धेरै तारिख बोक्नुनपर्ने र मुद्दा पनि जिताइदिने भन्दै तारिख दिइरहेका थिए । 

‘तिमीहरू मुद्दा जित्छौ, म जाने बेलामा फैसला गर्दिन्छु भनेर अरुण सरले भन्नुभएको थियो,’ विनोदले भने, ‘तर केही नगरी जानुभयो ।’

तर, अहिले कुरा फेरिएको छ । उनका अनुसार अहिलेका प्रमुख भन्सारक पाण्डेले ‘तिमीहरूले मुद्दा पनि जित्दैनौं, तारिख पनि दिँदैनौं’ भन्ने गरेका छन् । 

‘हामीले पाण्डे सर (टेकराज पाण्डे)लाई मुद्दा टुंगो लगाइदिनुपर्‍यो भन्दा तिमीहरूले मुद्दा जित्दैनौ भनेर फकाउनुहुन्छ, न त तारेख नै दिनुहुन्छ,’ उनले गुनासो गरे ।

भन्सार कार्यालयका कर्मचारीले त्यो समयमा सर्वोच्च अदालतले वैदेशिक रोजगारीमा गएकाले ल्याएको सुन भन्सारले राख्न नपाउने फैसला गरेकाले जिताइदिने कुरा गरेको बताए । 

‘अदालतले फैसला गरेको थियो, त्यसैले जिताइदिन्छु भन्नुभएको होला, तर अहिले त्यस्तो अवस्था छैन,’ एक कर्मचारीले लोकान्तरसँग भने । 

त्रिभुवन अन्तर्राष्ट्रिय विमानस्थल भन्सारका प्रवक्ता नारद गौतमले उनीहरू तारिख लिन आइरहेको तर, त्यो समयमा प्रहरीले बुझाएको केस भएकाले सजिलै फैसला हुन नसक्ने अवस्था रहेको बताए ।

‘उहाँहरूको केस जित्ने अवस्था छैन, तर फैसला गर्न ढिला भएको चाहिँ हो,’ गौतमले लोकान्तरसँग भने, ‘अब छिट्टै फैसला हुन्छ होला ।’

तत्कालीन प्रमुख अरुण पोखरेलले मुद्दा जिताउने भनेर बोल्न नमिल्नेमा बोलेका कारण अहिले समस्या भएको अर्का एक कर्मचारीले बताए ।

‘मुद्दा फैसलाको विषय सुनुवाइ हुनुभन्दा अगाडि बोल्न मिल्दैन, तर उहाँले बोल्नुभएका कारण समस्या भएको हो,’ ती कर्मचारीले लोकान्तरसँग भने, ‘त्यसैका कारणले उहाँ (पुनमदेवी)हरूले आश गरेर बस्नुभएको छ, तर फैसला उहाँहरूको पक्षमा आउने देखिँदैन ।’

हरेकपटक आउँदा केही नभनी तारेख मात्र बोकाउने गरिएको विनोदको गुनासो छ । उनले आफूहरूलाई पटक–पटक बोलाउँदा आर्थिक भार थपिएर समस्या भएको बताए । 

‘अहिलेसम्म प्रत्येक महिना आउँदा १ लाख ५० हजार खर्च भएको छ, अझ धेरैपटक आउनुपर्‍यो भने झन् समस्या हुन्छ,’ विनोदले गुनासो पोखे ।

आफूहरूलाई अनावश्यक दुःख दिइएको र पटकपटक काठमाडौं धाउन बाध्य पारिएको उनको दुःखेसो छ ।

hAMROPATRO BELOW NEWS
TATA Below
कात्तिक १८, २०८०

भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...

कात्तिक १८, २०८०

गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ ।  ...

कात्तिक २०, २०८०

शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए ।​​ सोमवार अपरान्ह उनको शव लिएर मलामी...

माघ १८, २०८०

​सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...

कात्तिक २०, २०८०

जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...

कात्तिक २०, २०८०

‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

जेठ ३२, २०८१

कानूनअनुसार असार १ प्रदेश सरकारले आ–आफ्नो सभामा बजेट प्रस्तुत गर्ने दिन हो । नेपालको संविधान र कानूनले बजेट प्रस्तुत गर्ने समय तोकिदिएको छ । यसरी बजेट प्रस्तुत गर्ने दिन नै तोक्नुका २ कारण छन् । पहिलो, तह...

कहाँ हरायो कांग्रेस महासमितिको निर्णय ?

कहाँ हरायो कांग्रेस महासमितिको निर्णय ?

जेठ ३१, २०८१

अढाइ वर्षअघि नेपाली कांग्रेसको १४औं महाधिवेशन नेतृत्व मात्र चयन गरी ६ महिनाभित्र नीति महाधिवेशन आयोजना गर्ने र आवश्यक निर्णय लिने निष्कर्षमा पुगेको थियो । तत्पश्चात् निकै लामो समय पार्टीभित्र र बाहिर नीति महाधिवे...

बाबुरामका एक्ला बृहस्पति ‘फणीन्द्र’– २१ वर्षअघिको त्यो क्षण र गण्डकीको ‘फ्लोर क्रस’

बाबुरामका एक्ला बृहस्पति ‘फणीन्द्र’– २१ वर्षअघिको त्यो क्षण र गण्डकीको ‘फ्लोर क्रस’

जेठ २९, २०८१

गण्डकी प्रदेशका मुख्यमन्त्री सुरेन्द्रराज पाण्डेले सोमबार विश्वासको मत प्राप्त गरेका छन् । नेकपा (माओवादी केन्द्र)को चिह्न ‘गोलाकारभित्र हँसिया हथौडा’बाट चुनाव जितेका फणीन्द्र देवकोटाले 'फ्लोर क्रस'...

x