कात्तिक १८, २०८०
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
विराटनगर | कात्तिक १३, २०८०
नेकपा (एमाले)ले कोशी प्रदेशका मुख्यमन्त्री केदार काकीसँग सरकार विस्तारको विषयलाई लिएर सोमवार छलफल गरेको छ । मुख्यमन्त्री कार्यालयमा भएकाे छलफलमा सरकार विस्तार, प्रतिस्थापन विधेयक ल्याउने र सदन संचालन गर्ने विषय समेटिएका थिए ।
छलफलमा मन्त्रिपरिषद् विस्तार गरेपछि मात्रै बजेट पारित गर्ने सहमति भएको एमालेका प्रमुख सचेतक रेवतीरमण भण्डारीले बताए । तर मन्त्रिपरिषद् विस्तार गर्ने विषयमा भने मुख्यमन्त्री र एमालेले ठोस निर्णय लिन नसकेको बताइएको छ ।
‘हामीले मंगलवार नै मन्त्रिमण्डल विस्तार गरौँ भनेर मुख्यमन्त्रीलाई भन्यौं । उहाँले हाम्रो संसदीय दलको नेतासँग पनि छलफल गर्छु भन्नुभयो,’ सचेतक भण्डारीले भने ‘मंगलवार नै उहाँले छलफल गर्ने कुरा गर्नुभएको छ । सोमवार भएको छलफलमा नेपाली कांग्रेस र एमालेलाई मात्रै समेटेर मन्त्रिमण्डल विस्तार गर्नुपर्छ भनेर हामीले भनेका छाैँ ।’
एमालेले केन्द्रमा भएको गठबन्धनलाई जस्ताको त्यस्तै सहभागी गराए कोशी सरकारबाट बाहिरिने चेतावनी दिँदै आएको छ । आफू र कांग्रेसको सहमतिका आधारमा नेकपा (माओवादी केन्द्र), नेकपा (एकीकृत समाजवादी) र जनता समाजवादी पार्टी (जसपा)मध्ये कुनै एक दललाई मात्रै सरकारमा सहभागी गराउन सकिने एमालेको अडान छ ।
मुख्यमन्त्री कार्कीले सहमतिको सरकार बनाउने भनेर उद्घोष गरेपछि एमाले आत्तिएको छ । आइतवार झापामा भएको एक कार्यक्रममा मुख्यमन्त्री कार्कीले सहमतिको सरकार बनाउनका लागि मन्त्रिमण्डल विस्तार गर्न ढिलाइ भएको बताएका थिए । त्यसपछि एमाले थप आत्तिएको हो ।
‘हामीले पहिला जे भन्दैआएका थियौं । अहिले पनि त्यही कुरा मुख्यमन्त्रीलाई भनेका छाैँ । मुख्यमन्त्री पनि सकारात्मक हुनुभएको छ । तर प्रदेशमा सहमतिको सरकार बन्दैन । सबै दल नआइ सहमतिको सरकार हुँदैन । राष्ट्रिय प्रजातन्त्र पार्टी (राप्रपा)ले प्रमुख प्रतिपक्षी दलमा बस्ने भनेर निवेदन नै दिएको छ । उहाँले अलमल्याउनका लागि मात्रै सहमतिको सरकार भन्नु भएको हो,’ भण्डारीले भने ।
हुन पनि मुख्यमन्त्री कार्कीले विभिन्न कारण देखाउँदै मन्त्रिपरिषद् विस्तारलाई धकेलिरहेका छन् । बैठकमा सहभागी प्रदेश सरकारका प्रवक्तासमेत रहेका विनाविभागीय मन्त्री शमशेर राईले भने चाँडै विस्तार गर्ने सहमति भएको बताए ।
उनले कोशी प्रदेशमा अकगणितका कारण एमाले पनि गठबन्धनमा थपिएको बताएका छन् । ‘हामीले गठबन्धन तथा एमालेसँग छलफल गर्ने जिम्मा संसदीय दलका नेता उद्धव थापालाई दिएका छाैँ,’ प्रवक्ता राईले भने ‘अब मंगलवार एमाले संसदीय दलका नेता र कांग्रेस संसदीय दलका नेतासँग छलफल गरेपछि मात्रै मन्त्रिमण्डल विस्तार कहिले गर्ने भन्ने विषयमा छलफल हुन्छ ।’
कात्तिक १ गते विश्वासको मत लिएका मुख्यमन्त्री कार्कीमाथि २ गते सरकार विस्तार गर्नुपर्ने एमालेको दबाब थियो । तर, उनी काठमाडौं हानिएका थिए । दशैं बिदा शुरू भइसकेपछि मात्रै फर्किएका मुख्यमन्त्रीलाई एमालेले दशैं बिदा सकिएलगतै गत शुक्रवार नै मन्त्रिपरिषद् विस्तार गर्न दबाब दिएको थियो । कांग्रेस केन्द्रीय समितिले आयोजना गरेको चियापान कार्यक्रममा काठमाडौं गएका कार्की आइतवार एमालेसँगको छलफल टार्न काठमाडौंबाट सिधै झापा पुगेका थिए । उनी साँझमात्रै विराटनगरमा आएका थिए । सोमवारको छलफलमा पनि एमालेले मंगलवार नै मन्त्रिमण्डल विस्तार गर्न मुख्यमन्त्री कार्कीलाई भनेको थियो । तर मंगलवार नै मन्त्रिमण्डल विस्तार गर्न नसकिने सरकारका प्रवक्ता राईले स्पष्ट पारेका छन् । विस्तारका लागि तिथि–मिति र समयको कुनै टुंगो नलागेको उनले जानकारी दिए ।
मुख्यमन्त्री कार्कीले विश्वासको मत लिनुअघि सत्ता गठबन्धनको बैठकमा गएर दशैंलगत्तै एमालेलाई सरकारबाट बाहिर पठाउने र गठबन्धनकै सरकार बनाउने प्रतिबद्धता जनाएको बताइएको छ । एमालेले भने आफूहरूसँग मुख्यमन्त्रीले पूर्वसहमतिअनुसार नै अगाडि बढ्ने प्रतिबद्धता जनाएको दाबी गरेको छ । एमाले संसदीय दलका नेता हिक्मत कार्कीले भने मुख्यमन्त्रीसँग छलफल भइरहेकाले चाँडै निष्कर्ष आउने आशा व्यक्त गरिरहेका छन् ।
अहिलेको सरकारमा एमालेका रामबहादुर मगर र विद्रोही कांग्रेसका शमशेर राई विनाविभागीय मन्त्री छन् । एमालेले आफ्नो पार्टीलाई ५ मन्त्रालय दिनुपर्ने दाबी गर्दै आएको छ । आफूले ५ र कांग्रेसले ४ मन्त्रालय लिने सहमति भएको दाबी एमालेले गर्दै आएको छ ।
तर गठबन्धनमध्ये कुनै एक दल आए सहमति गर्न सकिने प्रमुख सचेतक भण्डारी बताउँछन् । हिक्मत कार्की नेतृत्वको सरकारले अध्यादेशबाट बजेट ल्याएको थियो । सरकार बनाउने र गिराउने खेलका कारण कोशीमा दुईपटक अध्यादेशबाट बजेट ल्याइएको थियो । जनता दैनिकीसँग जोडिएका कामभन्दा मन्त्रिमण्डल विस्तारमा ध्यान दिएको भन्दै वर्तमान सरकारको विरोध हुन थालेको छ ।
केदार कार्की गठबन्धनमा रहेको आफ्नै पार्टी कांग्रेसबाट विद्रोह गर्दै एमालेको सहयोगमा मुख्यमन्त्री बनेका हुन् । उनलाई कांग्रेसको डा शेखर कोइराला पक्षका ८ सांसदले साथ दिएका थिए ।
तर विश्वासको मत दिँदा भने उनलाई आफ्नै दल कांग्रेससँगै गठबन्धनका सबै दलले सघाएका थिए । विश्वासको मत पाएयता उनी एमालेसँग टाढिँदै गएका छन् ।
कार्कीले कांग्रेसबाट विद्रोह गर्दै एमालेको सहयोगमा मुख्यमन्त्री भएलगत्तै केन्द्रको सत्ता गठबन्धनमा भुइँचालो आएको थियो । कांग्रेस सभापति शेरबहादुर देउवा र माओवादी केन्द्रका अध्यक्षसमेत रहेका प्रधानमन्त्री पुष्पकमल दाहाल प्रचण्डले डा शेखरलाई फकाएर गठबन्धन कायमै राख्न सम्झौता गराएका थिए ।
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...