मंसिर ८, २०८०
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
विराटनगर | मंसिर १२, २०८०
कोशी प्रदेशमा बजेटको विषयलाई लिएर मुख्यमन्त्री र मन्त्रीहरूबीच सम्बन्ध चिसिएको छ । कोशी प्रदेश सरकारले अध्यादेशमार्फत आएको बजेटलाई प्रतिस्थापन गरेर नयाँ बजेट ल्याएपछि मुख्यमन्त्री केदार कार्कीले एक्लौटी गरेको मन्त्रीहरूले आरोप लगाएका छन् ।
गत मंसिर ९ गते कोशीका मुख्यमन्त्री कार्कीले साढे ३६ अर्ब रुपैयाँभन्दा बढीको प्रतिस्थापन बजेट प्रदेशसभामा पेश गरेका थिए । यसअघि अध्यादेशबाट ल्याइएको बजेटमा ५० करोड रुपैयाँ थप गर्दै मुख्यमन्त्री कार्कीले चालु आर्थिक वर्षको बजेट ल्याएका हुन् । मन्त्रालयगत बजेट बनाउने जिम्मा भने मुख्यमन्त्री कार्कीले विना विभागीय मन्त्रीहरूलाई दिएका थिए ।
नेकपा (एकीकृत समाजवादी)का कमल जवेगुलाई भौतिक पूर्वाधार, नेकपा (माओवादी केन्द्र)का गणेश उप्रेतीलाई सिचाइँ खानेपानी तथा कृषि मन्त्रालयको जिम्मा दिएका थिए । मुख्यमन्त्रीले सचिवलाई बोलाएर बजेटमा हाम्रा क्षेत्रका योजना कटौती गरेको यी दुई मन्त्रीको आरोप छ ।
मन्त्रीहरूले नै बनाएको बजेट मुख्यमन्त्रीले कुनै सल्लाह नै नगरी कटौती गरेपछि मन्त्रीहरू रुष्ट बनेका हुन् ।
‘मुख्यमन्त्रीले बजेट बनाउन लगाउनुभयो,’ एक मन्त्रीले भने ‘तर हाम्रो क्षेत्रको बजेट नै कटौती गर्नुभयो । हामीलाई मुख्यमन्त्रीले गोठालो बनाएर दूध जति सबै आफैँ खानुभयो ।’
आफ्नै क्षेत्रको बजेट कटौती गरेको देखेपछि विना विभागीय मन्त्रीबाट राजीनामा दिने सोचेको तर यसमा तत्काललाई पार्टीले रोकेको ती मन्त्रीले बताए ।
यसैगरी सत्ता गठबन्धन पनि मुख्यमन्त्री कार्कीसँग रुष्ट बनेको छ । मुख्यमन्त्रीले बजेटको प्राथमिकता नै थाहा नपाएको आरोप पूर्वमुख्यमन्त्रीसमेत रहेका एकीकृत समाजवादी संसदीय दलका नेता राजेन्द्र राईले बताए । बजेटको आइडिया नभएका मुख्यमन्त्रीले बढी हस्तक्षेप गर्न खोजेको उनले आरोप लगाए । ‘कुन योजना काट्नु पर्ने, कुन नपर्ने, कुनलाई प्राथमिकता दिनुपर्ने भन्ने नै मुख्यमन्त्रीलाई थाहा नभएपछि समस्या भएको हो,’ उनले भने ।
मापदण्ड नबनाइ बजेट प्रतिस्थापन गरेकाले विवाद आएको माओवादी केन्द्र संसदीय दलका नेता इन्द्रबहादुर आङ्बोले बताए । मुख्यमन्त्रीले विधि र मापदण्ड नबनाइ जे–जे आउँछ गर्दै जान थालेको उनको आरोप छ । ‘यसले बजेट निर्माणको प्रक्रिया नै अस्तव्यस्त बनेको छ,’ उनले भने ।
यस्तै मुख्यमन्त्री कार्कीकै दल नेपाली कांग्रेसका सांसदहरूले समेत उनकाे कामप्रति विरोध जनाएका छन् । कांग्रेस सांसद खगेनसिंह हाङ्गामले मुख्यमन्त्रीले बजेटमाथि अन्धाधुन्ध डाडुपन्यु चलाएको आरोप लगाए ।
कांग्रेसका सांसद गोपाल तामाङले यसअघि अध्यादेशबाट आएको बजेटमा आफ्नो क्षेत्रमा आएको बजेटका १३ योजना काटिएको गुनासो गरे । कांग्रेसका अर्का सांसद गोविन्द गिरीले सांसदले छानेको एक करोड रुपैयाँ बराबरको योजना समावेश गर्ने मुख्यमन्त्रीले प्रतिबद्धता जनाएको भए पनि आफ्नो योजना खल्तीमा मात्र सीमित बनाएको गुनासो गरे ।
कांग्रेसकै सांसद प्रदीप सुनुवारले बजेटप्रति सांसदहरूले उठाएको गुनासो जायज भए पनि गोजीबाट निकालेर बजेट वितरण गर्ने प्रणाली अन्त्य हुनुपर्ने बताए ।
प्रतिस्थापन बजेटको आकार ३६ अर्ब ७४ करोड ३५ लाख १० हजार रुपैयाँ छ । १० वर्ष मुनिका बालबालिकाको निःशुल्क उपचारदेखि स्वचालित तुइन सञ्चालनसम्मका योजना मुख्यमन्त्री कार्कीले ल्याएको प्रतिस्थापन बजेटका मुख्य विशेषता हुन् । तर, मुख्यमन्त्री कार्कीले ल्याएको उक्त बजेट धरातलीय यतार्थविपरीत भएको सांसदहरूको आरोप रहेको छ ।
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...