क्रिकेटर सन्दीप लामिछानेविरुद्धको मुद्दामा प्रतिवादी पक्षको बहस सकिएको छ ।

काठमाडौं जिल्ला अदालतका न्यायाधीश शिशिरराज ढकालको इजलासमा जारी सुनुवाइमा शुक्रवार सन्दीप पक्षका वकिलहरूले बहस सकेका हुन् ।

अहिले सरकारी वकिलका तर्फबाट जवाफी बहस चलिरहेको अदालतका सूचना अधिकारी चन्द्रप्रसाद पन्थीले लोकान्तरसँग बताए ।

बहसका क्रममा न्यायाधीश ढकालले सन्दीप र पीडित किशोरी गएको होटलको सीसीटीभी फूटेज मगाएर हेरेका थिए ।

करिब १० मिनेट लगाएर न्यायाधीश ढकालले सीसीटीभी फूटेज हेरेको एक कानून व्यवसायीले बताए ।

जवाफी बहस सकिएर आजै फैसला आउने सम्भावना रहेको उनको भनाइ छ ।