सञ्जयकुमार रौनियारसहित ९ जनाविरुद्ध साढे २७ करोड बराबरको सम्पत्ति शुद्धीकरणसम्बन्धी मुद्दा दायर भएको छ ।

सम्पत्ति शुद्धीकरण अनुसन्धान विभाग ललितपुरले रौनियार, सारिकादेवी साहसमेत ९ जना प्रतिवादीविरुद्ध २७ करोड ५१ लाख १९ हजार ९० बिगो मागदाबी गर्दै बिहीबार मुद्दा दायर गरेको हो ।

मिटरब्याज, ठगी, आपराधिक विश्वास घात गरी अवैध सम्पत्ति आर्जन गरेको निष्कर्षसहित विशेष अदालतमा अभियोग पत्र दर्ता गरिएको विभागले विज्ञप्तिमार्फत जनाएको छ ।

उनीहरूले गैरकानूनी ढंगले आर्जन गरेको सम्पत्ति जफत गर्न विभागले माग दाबी लिएको छ ।