सूर्यज्योति लाइफ इन्स्योरेन्सको ‘एमआरडीटी मीट २०२४’ सम्पन्न भएको छ ।​​​​

धुलिखेलस्थित आगन्तुक रिसोर्टमा सम्पन्न उक्त कार्यक्रममा एमआरडीटीहरूलाई सम्मान गरिएको थियो ।

उक्त सम्मान कार्यक्रममा कम्पनीका प्रमुख कार्यकारी अधिकृत, वरिष्ठ नायब प्रमुख कार्यकारी अधिकृत, कम्पनीका उच्च पदाधिकारीहरू, प्रदेश प्रमुखहरू, क्षेत्रीय प्रबन्धकहरूका साथै कम्पनीका ब्रान्ड एम्बेस्डर राजेश हमालको उपस्थिति थियो ।

कार्यक्रममा स्वागत मन्तव्य दिँदै कम्पनीका वरिष्ठ नायब प्रमुख कार्यकारी अधिकृत, पवनकुमार खड्काले आगामी वर्षमा आयोजना हुने अन्तर्राष्ट्रिय स्तरको विश्वभरका अभिकर्ताहरूको भेलामा आफूलाई नेपालको प्रतिनिधित्व गर्दै नेपाल र सूर्यज्योति लाइफको झण्डा फहराउन थप उर्जा आवश्यक रहेको बताए ।

साथै कम्पनीका प्रमुख कार्यकारी अधिकृत प्रकाशविक्रम खत्रीले आगामी वर्षमा तुलनात्मक हिसाबले एमडीआटीहरूको संख्यामा वृद्धि गर्न हौसला प्रदान गरेका थिए । अथक मेहनत, लगन र प्रयास स्वरूप सफल बनेका सबैलाई उनले बधाई दिए ।