सिटी एक्सप्रेस मनी ट्रान्सफरले ‘विदेशबाट सिटी पठाऔं, पठाको भन्दा १० गुणा बढी पाऔं’ योजनाको उपहार हस्तान्तरण कार्यक्रम सम्पन्न गरेको छ । बुधवार काठमाडौंमा आयोजित कार्यक्रममा मेगा बम्पर उपहार पाउने २ जनालाई रकम हस्तान्तरण गर्दै कार्यक्रम सकिएको हो ।  

जसअनुसार साउदी अरेबियाबाट रेमिट्यान्स पठाउने राजु तामाङलाई ५ लाख ३० हजार ७५० र दक्षिण कोरियाबाट रेमिट्यान्स पठाउने सुवास लिम्बूलाई १ लाख रुपैयाँ हस्तान्तरण गरिएको छ ।

उक्त कार्यक्रममा सिटी एक्सप्रेसका साझेदार साउदीस्थित टेलिमनी बैंकबाट फाहाद अब्दुल्लाह अल्जोवैद, नेपालका चर्चित हाँस्य कलाकार तथा सिटी एक्स्प्रेस मनी ट्रान्सफरका ब्राण्ड एम्बेसडर जितु नेपालको उपस्थिति थियो ।  

सिटी एक्सप्रेसले गत असोज १५ देखि मङ्सिर १५ गतेसम्म चल्ने गरी दशैँ, तिहार र छठलाई लक्षित गर्दै उपहार योजना ल्याएको थियो । आफ्ना ग्राहकका लागि लगातार ६१ दिनसम्म चल्ने ‘विदेशबाट सिटी पठाऔं, पठाको भन्दा १० गुणा बढी पाऔं’ उपहार योजना घोषणा गरेको थियो ।

सोही योजनाअन्तर्गत लक्की ड्रमार्फत हरेक महिना १ जनालाई जनही १ लाख तथा हरेक हप्ता ५ जनालाई जनही २५ हजार रुपैयाँ पुरस्कारको व्यवस्था थियो ।

साथै ६१ दिन लगातार योजनाअन्तर्गत हरेकदिन १०० जना विजेतालाई  जनही ५०० रुपैयाँको को वालेट टप अप र अन्त्यमा १ जना भाग्यशाली बम्पर बिजेताले आफूले पठाएको रकमको १० गुणा बढी रकम पाउने योजनामा रहेको थियो । 

जसअन्तर्गत ६ हजार १०० जनाले दैनिक उपहार ( ५०० को वालेट टप अप ), ४५ जनाले साप्ताहिक उपहार ( जनही २५ हजार) र २ जनाले मासिक उपहार (जनही १ लाख) जित्न सफल भइसकेका छन् ।

उक्त योजना असोज १५ देखि मङ्सिर १५ गतेसम्म चलेको थियो ।  

सिटी एक्सप्रेसले रेमिट्यान्स क्षेत्रमा आफ्नो छुट्टै पहिचान बनाउँदै विगत १७ वर्षदेखि संसारभरबाट विप्रेषण सेवा प्रदान गर्दै आइरहेको छ । हालै सिटी एक्सप्रेस मनी ट्रान्सफरले सिटी पे वालेट मार्फत अनलाइन भुक्तानीको सेवा सुचारुसमेत गरेको छ ।