उपप्रधान एवं गृहमन्त्री रवि लामिछानेले बाँसबारी छालाजुत्ता कारखानाको १० रोपनी जग्गा सरकार मातहत ल्याउने प्रक्रिया आजै शुरू गर्न निर्देशन दिएका छन् ।

आइतवार सिंहदरबारमा प्रहरी महानिरीक्षक वसन्त कुँवर र केन्द्रीय अनुसन्धान ब्यूरो (सीआईबी) प्रमुख श्याम ज्ञवालीलाई बोलाएर बाँसबारीको जग्गा फिर्ता प्रक्रिया शुरू गर्न निर्देशन दिएका हुन् । 

बाँसबारी छालाजुत्ता प्रकरणमा जोडिएकाहरूसँग बयान लिन र जग्गा फिर्ता गर्न गृहमन्त्रीले निर्देशन दिएका हुन् । 

बाँसबारी जग्गा प्रकरणमा पक्राउ परेका उद्योगी अरुण चौधरीले जग्गा फिर्ता गर्ने बयान गरिसकेका थिए । 

बाँसबारीको जग्गा चौधरी ग्रुपबाट फिर्ताको प्रक्रिया सरकारले शुरू गरिसकेको छ ।

त्यसविरुद्ध परेको रिटमा अदालतले अन्तरिम आदेश दिन अस्वीकार गरेसँगै जग्गा प्राप्तिको प्रक्रिया अघि बढेको छ । 

जग्गा प्राप्तिको प्रक्रिया अघि बढेसँगै यो प्रकरणमा जोडिएका विनोद चौधरी लगायतसँग बयान लिने र मुद्दा प्रक्रिया टुंग्याउने काम अघि बढेको स्रोतको दाबी छ ।