मंसिर ६, २०८०
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
काठमाडाैं | बैशाख ९, २०८१
नेकपा एमालेको राष्ट्रिय महाधिवेशन प्रतिनिधि परिषद् बैठकमा प्रतिनिधिहरूले जीवनशैली सुधार्न र गुटबन्दी अन्त्य गर्न पार्टीका नेताहरूलाई सुझाव दिएका छन् ।
ललितपुरस्थित सनराइज हलमा दुई दिनसम्म चलेको बैठकमा सदस्यहरूले एमालेको नीति र सिद्धान्त ठीक भए व्यवहारमा सुधार्नुपर्ने ठाउँ धेरै भएको सुझाव दिएको केन्द्रीय सदस्य निरज आचार्यले जानकारी दिए ।
‘एमालेको नीति, सिद्धान्त ठीक छ । तर व्यवहारमा सुधार्नुपर्ने धेरै विषय भएको साथीहरूले मुख्य रुपमा उठाउनुभएको छ । नेताको व्यवहार र जीवनशैली जनताको जस्तै हुनुपर्यो, जनतामुखी हुनुपर्यो भन्ने मुख्य सुझाव छन्,’ आचार्यले लोकान्तरसँग भने, ‘साथै पार्टीमा गुटबन्दी बढ्दा जति प्रभावकारी हुनुपर्ने हो त्यो हुन नसकेको भन्दै धेरै साथीहरूले गुटबन्दी अन्त्य गर्नुपर्ने विषयलाई पनि प्राथमिकतापूर्वक उठाएका छन् ।’
एमाले नेतृ सुनिता बरालले जनताप्रति जवाफदेही र उनीहरूले अपनत्व गर्ने गरी नेता काम व्यवहार हुनुपर्नेमा धेरै प्रतिनिधिले जोड दिएको जानकारी दिइन् ।
‘बैठकमा संगठन निर्माणको विषयलाई बलियो बनाउन, जनताप्रति जवाफदेही बन्न र उनीहरूले समेत अपनत्व गर्ने गरी पार्टीले काम गर्नुपर्ने सुझाव प्राप्त भएका छन् । त्यस्तै, नेताको व्यवहार र आचरण सुधार गर्नुपर्ने, समाजलाई नै नैतिक शिक्षा दिनको लागि एमालेले अभियान नै चलाउनुपर्ने सुझाव पनि आएका छन् ।’
नेतृत्वमा बस्नेले पदलाई मात्रै प्राथमिकता दिएकाले पार्टीमा गुटबन्दी बढेको विषयलाई धेरैले चिन्ताको रुपमा उठाएको जानकारी उनले दिइन् ।
‘संगठनका अधिवेशनमा व्यक्तिको भूमिकाको विषय पद मात्रै हो भन्ने जस्तो देखिँदा गुटबन्दी जस्तो देखियो । यसलाई रोक्नका लागि नेतृत्वको निर्माण गर्दा हिजोको कामको मूल्याङ्कन गर्नुपर्छ भन्ने मत पनि छ । पार्टीलाई पारदर्शी र निष्पक्ष बनाए मात्रै गुटबन्दी रोक्न सकिने सुझाव प्राप्त भएका छन् ।’
बैठकमा एमालेले सरकारमा हुँदा शुरूवात गरेको कामलाई फेरि सरकारमा निरन्तरता दिएर जनताको आशा र भरोसलाई जगाउनुपर्ने सुझाव पनि आएको जानकारी उनले दिइन् ।
शनिवार अध्यक्ष केपी शर्मा ओलीको राजनीतिक र महासचिव शंकर पोखरेलको सांगठनिक तथा केन्द्रीय अनुशासन आयोगका अध्यक्ष केशव बडाल, केन्द्रीय लेखा आयोगका अध्यक्ष डा पुष्पराज कँडेल, केन्द्रीय सल्लाहकार परिषद्का अध्यक्ष अमृतकुमार बोहरा, केन्द्रीय निर्वाचन आयोगका अध्यक्ष डा विजय सुब्बाको प्रतिवेदनमाथि ६ समूहमा छलफल भएको थियो ।
समूहगत छलफलपछि ६ वटै टोली नेताले नेताको प्रस्तुति सकिएपछि सचिवालयको बैठक बसिरहेको छ । प्राप्त सुझावका आधारमा प्रतिनिधि परिषद्को दस्तावेज तयार गरी पास गर्ने र आइतवार नै सकाउने तयारी भएको आचार्यले दिए ।
एमालेले पछिल्लो समीकरण, सुशासन र राजनीतिक स्थायित्वको लागि पार्टीले खेल्ने भूमिकासहितका विषयमा आफ्नो दृष्टिकोण सार्वजनिक गर्दैछ ।
नेकपा स्थापनाको ७५ वर्षको पुगेको अवसरमा एमालेले सोमवार प्रमुख दलका शीर्ष नेताको उपस्थितिमा हीरक महोत्सव मनाउँदैछ ।
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...