कात्तिक १३, २०८०
संयुक्त राष्ट्रसंघका महासचिव एन्टिनियो गोटरेसको भ्रमणका बेला नेपालको शान्ति प्रक्रिया फेरि एकपटक अन्तर्राष्ट्रिय समुदायमाझ चर्चाको विषय बनेको छ । नेपालको शान्ति प्रक्रियाको शुरूआती चरणमा राष्ट्र संघले सहजीक...
कञ्चनपुरकी किशोरी निर्मला पन्तको बलात्कारपछि हत्यामा संलग्न दोषीहरू १ वर्षसम्म पक्राउ पर्न सकेका छैनन् । २०७५ साउन १० गते कञ्चनपुरकी १३ वर्षीया बालिकाको बलात्कारपछि हत्या भएको थियो ।
निर्मला हत्याकाण्डलाई लिएर वर्षभर नै सरकारको आलोचना भयो । सरकारका मन्त्रीले पटक–पटक संसदको रोस्टममा उभिएर यसबारे जवाफ दिनुपर्यो ।
हत्यारालाई कारवाहीको माग गर्दै अधिकारवादी सडकमा उत्रिए, प्रतिपक्षी दलले संसद अवरुद्ध गर्यो । निर्मला हत्याकाण्डको विरोधमा उठेको आन्दोलनमा १ जनाको मृत्यु समेत भयो ।
अन्तर्राष्ट्रिय रुपमा समेत नेपालको बदनाम भएको किशोरी बलात्कारको घटनालाई गृहमन्त्री रामबहादुर थापा ‘बादल’ले सधै हल्काफुल्का ढंगले लिँदै आएका छन् । मंगलवार गृह मन्त्रालयमा वार्षिक समीक्षा कार्यक्रममा ‘निर्मलाका जस्ता घटना भइरहन्छन्’ भनेर दिएको गृहमन्त्रीको अभिव्यक्ति अत्यन्त आपत्तिजनक छ । गृह प्रशासनको नेतृत्वकर्ताको हैसियतमा हत्यारा पत्ता लगाउन नसकेकोमा नैतिकताका आधारमा राजीनामा गर्नुपर्ने मन्त्रीले बलात्कारजस्ता घटना भइरहन्छन् भनेर अभिव्यक्ति दिनु अत्यन्त आपत्तिजनक कुरा हो ।
स्मरणीय छ गृहमन्त्री थापाले संसदको राज्य व्यवस्था समिति र राष्ट्रिय सभाको बैठकमा २०७५ असोज ९ गते बलात्कारको घटना पूँजीवादको उपज भन्दै अमेरिकामा पनि यस्ता घटना हुने गरेको बताएका थिए ।
बलात्कारको घटनालाई सामान्यीकरण गर्ने र हत्यारा पत्ता लगाउन नसक्ने सरकारले मानवअधिकारका अन्तर्राष्ट्रिय मञ्चहरूमा उपस्थित भएर कसरी नेपालमा मानवअधिकार सुरक्षित छ भनेर भन्न सक्ला ? २१ औं शताब्दीको सभ्य समाजले हाम्रा गृहमन्त्रीको अभिव्यक्तिलाई कसरी सहज ग्रहण गर्न सक्ला ? शान्ति सुरक्षा र अमनचयन कायम गर्नुपर्ने सरकारका जिम्मेवार मन्त्रीको अभिव्यक्तिलाई विश्व जगतले के भन्ला ? मन्त्रीका यस्तै बेलगाम बोली र गृहमन्त्रीको अभिव्यक्तिले निर्मला पन्तका हत्यारा र बलात्कारीको मनोबल बढाएको हुनुपर्छ ।
गृहमन्त्रीको सबभन्दा ठूलो असफलता नै निर्मलाका हत्यारा पत्ता लगाउन नसक्नु हो । यही एउटा घटनाले उनले गरेका अन्य काम छायाँमा पारिदिएका छन् । शान्ति सुरक्षा कायम गर्ने मामिलामा पनि उनी चुकेका छन् ।
प्रहरी इन्काउन्टरका नाममा भइरहेका हत्याका घटना रोक्नुको सट्टा बचाउमा अभिव्यक्ति दिइरहेका हुन्छन् । सर्लाहीमा नेत्रविक्रम चन्द ‘विप्लव’ नेतृत्वको नेकपाका जिल्ला इन्चार्ज कुमार पौडेलको मृत्यु पनि अस्वाभाविक भन्दै प्रतिपक्षी दलले संसदीय छानबिनको माग गरेको छ भने स्वयं सत्तारुढ दलका सांसदले संसदको राज्य व्यवस्था समितिमा गम्भीर प्रश्न रेकर्ड गराएका छन् ।
वास्तवमा रामबहादुर थापाले गृह प्रशासनको नेतृत्व लिएयता शान्ति सुरक्षाको अवस्था झन्–झन् खस्किँदो छ, चाहे उनले जतिसुकै सुध्रिएको दाबी किन नगरुन् । बलात्कारका घटना भविष्यमा पनि भइरहन्छन भन्ने अभिव्यक्ति गृहमन्त्रीले सच्चाउनुपर्छ, यस्तो आपत्तिजनक अभिव्यक्तिप्रति उनले माफी माग्नुपर्छ ।
संयुक्त राष्ट्रसंघका महासचिव एन्टिनियो गोटरेसको भ्रमणका बेला नेपालको शान्ति प्रक्रिया फेरि एकपटक अन्तर्राष्ट्रिय समुदायमाझ चर्चाको विषय बनेको छ । नेपालको शान्ति प्रक्रियाको शुरूआती चरणमा राष्ट्र संघले सहजीक...
काठमाडौं जिल्ला अदालतको एक आदेशका कारण बाँसबारी छालाजुत्ता कारखानाको सरकारी जग्गा घोटाला प्रकरणको अनुसन्धान यत्तिकै रोकिने हो कि भन्ने चिन्ता बढेको छ । जग्गा हिनामिनाबारे नेपाल प्रहरीको केन्द्रीय अनुसन्धान ब्...
काकाकुल काठमाडौंको सपना र विकासको विद्रूप नमूना बनेको मेलम्ची खानेपानी आयोजना फेरि एकपटक उद्घाटन गरिएको छ । सिंहदरबारस्थित प्रधानमन्त्री कार्यालयमा बनाइएको धारो खोलेर प्रधानमन्त्री पुष्पकमल दाहाल ‘प्रच...
जाजरकोटलाई केन्द्रबिन्दु बनाएर शुक्रवार मध्यरातमा गएको भूकम्पले कर्णाली प्रदेशका जिल्लामा धनजनको ठूलो क्षति पुर्यायो । आइतवार बिहानसम्म १ सय ५७ जनाको मृत्यु भएको छ भने सयौं घाइते भएका छन् । सयौंको संख्याम...
कर्मचारीलाई तलब खुवाउन समेत हम्मेहम्मे पर्नेगरी देशको अर्थतन्त्र जर्जर अवस्थामा चलिरहेको छ । कोरोना महामारी र युक्रेन युद्धबाट सिर्जित समस्याका कारण अर्थतन्त्र लामो समयदेखि शिथिल छ । बजार चलायमान बन्न सकेको छ...
प्रतिनिधिसभाको पहिलो अधिवेशनमा नेता/सांसदको हाजिरी लोकान्तर डट्कमले सार्वजनिक गरिदिएपछि नेताहरूको जवाफदेहिताको बहस शुरू भएको छ । जनप्रतिनिधिको सर्वोच्च थलो संसद्मा ठूला भनिएका दलका शीर्ष न...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...