शुक्रवार अपराह्न साढे १२ बजे जनकपुरधाम उपमहानगरपालिकाको महावीर चोकमा २ जना महिलाले १० रुपैयाँको १२ वटा नोट फाले ।

पहिचान हुन नसकेका ती महिलाले बाटोमा नोट फालेको पुष्टि भने प्रहारीले सीसीटिभी फुटेज हेरेपछि गर्यो ।

जिल्ला प्रहरी कार्यालय धनुषाका प्रवक्ता समेत तहेका प्रहरी नायब उपरीक्षकले लोकान्तरलाई ती महिलाको पहिचान हुन नसकेको बताए ।

उनले खोजी कार्य जारी रहेको जानकारी दिए । विश्वव्यापी महामारीको रूप लिएको कोभिड १९ को संक्रमणले त्रस्त रहेका मानिसहरू सडकमा कसैले नोट फालिरहेको देखेपछि थप डराएका छन् ।

सडकमा भेटिएका नोटको परीक्षण गर्ने व्यवस्था प्रादेशिक अस्पतालमा नभएको हुँदा फिर्ता ल्याइएको छ । 'उक्त नोटमा कोरोना भाइरस छ वा छैन भन्ने कुराको परीक्षण गर्ने व्यवस्था नभएको अहिले जानकारी प्राप्त भएको छ,' प्रवक्ता कार्कीले लोकान्तरलाई बताए ।

नोट उठाएर ल्याएपछि सडकमा स्यानिटाइजर छर्किएको छ ।

नोटमा थुक लगाएर फालेको भन्ने हल्ला फैलिएको भएपनि सीसीटिभीमा त्यस्तो नदेखिएको कार्कीले बताएका छन् ।

अहिले प्रहारीले ती दुईवटा महिलाको तस्वीर लिएर व्यापक खोजी गरिरहेको छ । 'ती महिलामा साँच्चिकै कोरोना छ कि छैन भनेर पुष्टि गर्नका लागि हामीले सर्च गरिरहेका छौं,' डीएसपी कार्कीले भने ।