तुलसीपुर उपमहानगरपालिकाले आगामी आर्थिक वर्ष ०७७/०७८ का लागि दुई अर्ब ३४ करोड ३७ लाख ६४ हजारको बजेट प्रस्तुत गरेको छ।

 उपमहानगरपालिकाका उपप्रमुख माया शर्माले बुधबार नगरसभाको पाँचौँ अधिवेसनमामापूँजीगततर्फ नगर, वडास्तरीय पूर्वाधार विकास र अन्य सशर्त कार्यक्रम तथा विकास कार्यक्रमका लागि  एक अर्ब ६८ करोड ४७ लाख र चालुतर्फ ६६ करोड २० लाख ६४ हजारको बजेट प्रस्तुत गरेकी हुन्। बजेट पूँजीगतर्फ ७२  र चालुतर्फ २८ प्रतिशत छ। 

बजेटमा स्वास्थ्य, कृषि र शिक्षालाई प्राथमिकता दिइएको छ। स्वास्थ्य जनशक्ति व्यवस्थापन, अत्यावश्यक उपकरण खरीद, नसर्ने रोगसम्बन्धी कार्यक्रम सञ्चालन र स्मार्ट ल्याब सञ्चालन गर्न रु दुई करोड, तुलसीपुर–८ मा रहेको भीमसेन नगर शहरी स्वास्थ्य प्रवद्र्धन केन्द्रलाई २५ शय्याको तुलसीपुर मेट्रो अस्पतालका रुपमा विकास र विशेषज्ञसहितको सेवाको शुरुआत गर्नका लागि एक करोड, आमा तथा नवजात शिशुको सुरक्षाका लागि प्रदान गरिँदै आएको मातृशिशु सुरक्षा कार्यक्रमअन्तर्गत सुत्केरी पोषण प्रोत्साहनमा ४० लाख विनियोजन गरिएको छ।