कात्तिक २१, २०८०
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
सत्तारूढ दल नेपाल कम्युनिस्ट पार्टी (नेकपा)भित्र देखिएको विवाद सहजै समाधान हुने देखिएको छैन ।
संकट समाधानकै निम्ति भनेर चालू स्थायी कमिटी बैठकको छैठौं दिन बिहीवार प्रधानमन्त्री निवास बालुवाटारमा दिनभरजसो दौडधुप चलिरह्यो ।
बिहीवारको बैठकमा प्रधानमन्त्रीसमेत रहेका नेकपाका अध्यक्ष केपी शर्मा ओली भने उपस्थित भएनन् । बरू बैठककै बीचमा मन्त्रिपरिषद् बैठक डाकेर संसद्को छैठौं अधिवेशन अन्त्य गर्न ओलीले राष्ट्रपतिकहाँ सिफारिश गरे ।
बिहान करीब साढे ११ बजेदेखि शुरू भएको स्थायी कमिटी बैठककै बीचमा मन्त्रिपरिषद् बैठक डाकिएको थियो । प्रवक्ता नारायणकाजी श्रेष्ठले अध्यक्ष पुष्पकमल दाहाल 'प्रचण्ड'को सहमतिविना मन्त्रिपरिषद् बैठक डाकिएको र बैठकले संसद् अधिवेशन अन्त्य गर्न राष्ट्रपतिलाई सिफारिश गरिएको विषयले स्थायी कमिटी सदस्यहरूलाई सशंकित बनाएको बताए ।
बैठकअघि प्रधानमन्त्रीसमेत रहेका ओली राष्ट्रपति विद्यादेवी भण्डारीलाई भेट्न शीतलनिवास पुगेका थिए । ओली शीतलनिवास पुगेपछि संसद् अधिवेशन अन्त्य गर्ने या यसअघि जस्तो दल विभाजनसम्बन्धी अध्यादेश आउने लख काटिएको थियो । उनी बालुवाटार फर्केलगत्तै बसेको मन्त्रिपरिषद् बैठकले संसद् अधिवेशन अन्त्य गर्ने निर्णय गर्यो ।
चालू संसद् अधिवेशन अन्त्य गरेपछि अध्यादेशमार्फत् देश चलाउन सकिने र त्यसबाट आफ्नो राजनीतिक शक्ति माथि नै रहने बालुवाटारको आकलन थियो ।
त्यो आकलन ओलीइतर नेताहरूका लागि शंकाको विषय बन्यो ।
बालुवाटारकै अर्को हलमा मन्त्रिपरिषद् बैठक बसेपछि केहीबेरसम्म चलेको स्थायी कमिटी बैठक प्रभावित भयो । अझ संसद् अधिवेशन अन्त्य गर्ने निर्णय बाहिरिएपछि स्थायी कमिटी बैठकका लागि भनेर गएका नेताहरू एक-आपसमा मुखामुख गर्न थाले ।
'बैठक अहिले ब्रेक भएको छ, प्रधानमन्त्री ओलीको उपस्थितिका लागि हामीले आधा घण्टाका लागि ब्रेक गरेका हौं,' स्थायी कमिटी सदस्य लीलामणि पोखरेलले लोकान्तरलाई जानकारी दिएका थिए ।
तर बैठकमा ओली आएनन् । यता अध्यक्ष प्रचण्ड, वरिष्ठ नेताद्वय झलनाथ खनाल र माधवकुमार नेपाल, उपाध्यक्ष वामदेव गौतम र महासचिव विष्णु पौडेलले जारी गतिरोध कसरी अन्त्य गर्न सकिन्छ भनेर छलफल थाले ।
शीर्ष ५ नेताबीच छलफल भएपछि अध्यक्ष प्रचण्ड ओलीले आराम गरिरहेको ठाउँमा पुगे । उनले सहमतिविपरीत संसद् अधिवेशन अन्त्य गर्नुका कारणहरू सोधे ।
स्रोतले दिएको जानकारीअनुसार प्रचण्डले ओलीलाई यसअघि जस्तै पार्टी फुटाउन सहज हुने अध्यादेश ल्याउन त खोजिएको होइन भन्ने बारेमा स्पस्ट पार्न आग्रह गरे ।
'जवाफमा प्रधानमन्त्रीजीले संसद् अधिवेशन शुरू गर्ने र अन्त्य गर्न राष्ट्रपतिसमक्ष सिफारिश गर्ने अधिकार सरकारको भएको र त्यति ठूलो हिसाबले नलिन आग्रह गर्नुभएको थियो,' प्रचण्डनिकट स्रोतले भन्यो ।
फेरि पनि विश्वास नलागे राष्ट्रपतिलाई नै भेटेर स्पष्ट हुन ओलीले आग्रह गरे ।
त्यसपछि प्रचण्ड शीतलनिवासतिर लागे । उनले झन्डै ४५ मिनेट राष्ट्रपति विद्यादेवी भण्डारीसँग कुरा गरेर बालुवाटार नै फर्के ।
शीतलनिवासमा ओलीनिकट मानिने केही नेताहरू पहिल्यै राष्ट्रपतिसँग छलफलमा रहेछन् । प्रचण्ड भित्र छिरेपछि उनीहरू निस्किए ।
राष्ट्रपतिसँग भेटेका एक नेताले भने, 'प्रचण्ड आफैं आउनुभएको भन्ने हामीले बुझेका छौं ।'
पार्टी एकताको स्पिरिटअनुसार दुई अध्यक्षबीच नै सहमतिका आधारमा पार्टी सञ्चालन गर्नुपर्ने र त्यसबाट दायाँबायाँ गर्न नपाइने विषयमा राष्ट्रपति स्पष्ट रहेको ती नेताले बताए ।
प्रचण्ड बालुवाटार फर्केपछि रोकिएको स्थायी कमिटी बैठक पुनः सञ्चालन भयो ।
बैठकको शुरूमै अध्यक्ष बोले । उनले प्रधानमन्त्री ओलीले आफूसँग कुनै सल्लाह नै नगरी संसद्को अधिवेशन अन्त्य गरेकाले त्यसमा असन्तुष्टि जनाए ।
'अध्यक्ष प्रचण्डले सहमतिविपरीत कुनै अध्यादेश ल्याउन नहुने भनी राष्ट्रपतिलाई आफूले सुझाव दिएको कुरा राख्नुभयो,' एक स्थायी कमिटी सदस्यले लोकान्तरसँग भने ।
प्रचण्डको कुरा उदृत गर्दै उनले थपे, 'मैले त्यस्तो आग्रह गरिरहँदा सम्माननीय राष्ट्रपतिले पार्टीको सहमतिविना अध्यादेशहरू नआउने स्पष्ट पार्न खोज्नुभएको थियो । केही दिन अध्यादेश आउँदैन भनेर उहाँले आश्वासन दिनुभयो ।'
बैठकमा प्रचण्डले कुरा राखेपछि शनिवार बस्ने गरी नेकपाको स्थायी कमिटी बैठक सकियो । बैठक सकिएपछि प्रवक्ता नारायणकाजी श्रेष्ठले पार्टीभित्र संकट गहिरिएको र संकट समाधानका निम्ति अध्यक्षद्वयलगायत नेकपाका अन्य शीर्ष नेताहरूलाई एक दिनको समय दिइएको बताए ।
बैठककै बीचमा बाहिरिएका नन्दकुमार प्रसाईंले पार्टीभित्रको किचलो देख्दा आफूलाई दु:ख दिएको प्रतिक्रिया दिए । त्यस्तै ओलीपक्षीय मानिने केशव बडालले सबै दोष ओलीमाथि नै लगाएर आफू पानीमाथिको ओभानो हुन नमिल्ने भनी अन्य नेताहरूलाई आग्रह गरेको बताए ।
बिहीवारको स्थायी कमिटी बैठकअघि अध्यक्ष प्रचण्डले आफ्नो निवास खुमलटारमा ओलीपक्षीय नेताहरूलाई बोलाएर कसरी अघि बढ्न सकिएला भनेर परामर्श गरेका थिए ।
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...