सभामुख अग्निप्रसाद सापकोटाले दशैं भत्ताबापतको रकम कोरोना कोषमा जम्मा गर्ने भनी सत्तारुढ नेकपा र प्रतिपक्षी नेपाली कांग्रेसले गरेको निर्णयलाई सुझबुझपूर्ण भन्दै धन्यवाद दिएका छन् ।

सभामुख सापकोटाले सोमवार विज्ञप्ति जारी गरी देशको आर्थिक अवस्था संकटपूर्ण रहेको वर्तमान अवस्थामा यस कदमले कोरोना प्रकोप नियन्त्रण गर्ने सरकारको अभियानमा महत्त्वपूर्ण सहयोग पुग्ने विश्वास व्यक्त गरेका छन ।

साथै उनले आफूलाई प्राप्त चाडपर्व खर्च पनि कोरोना कोषमा उपलब्ध गराउने व्यवस्था गरिएको जानकारी गराएका छन् ।

देश संकटपूर्ण अवस्थामा रहेको बेला गत सालकै निर्णयका आधारमा सांसदलाई दशैं भत्ता बाँडिएको समाचार पहिलोपल्ट लोकान्तर डट्कमले खुलासा गरेको थियो ।

हेर्नुहोस्, सभामुखको विज्ञप्ति :