कोरोना महामारीको समयमा चलचित्रका गतिविधिहरू ठप्प भइरहेका बेला बेलायतमा निर्माण गरिएको शर्ट फिल्म सहारा युट्युबमार्फत रिलिज भएको छ ।

सहारामा कोरोनाका कारण विश्वभरि देखिएका विभिन्न समस्या, बेरोजगारी र त्यस सम्बन्धमा परेको असरलाई मुख्य विषय बनाइएको छ ।

सहारामा कलाकार ध्रुव दत्त, सिर्जना निङलेकु र पुरु राईको अभिनय रहेको  छ । नायक ध्रुव दत्त, मोडल एवं ब्लगर सिर्जना निङलेकु बेलायती समुदायमा स्थापित नाम हो ।

चलचित्र सहारामा लेखन, निर्देशन पुरु राईको रहेको छ । पुरुले निर्देशन गरेको यो दोस्रो शर्ट फिल्म हो ।

कोरोना भाइरसका कारण बढेको बेरोजगारी र बेरोजगारीका कारण एक युवा जोडीमा उत्पन्न भएका विभिन्न समस्याको वियोगान्त कथा चलचित्रमा देखाउन खोजिएको निर्देशक राईले बताए ।

निर्देशक राईले निर्देशन गरेको यो दोस्रो सर्ट फिल्म हो । उनले यसअघि सर्ट फिल्म सम्बन्ध निर्देशन गरिसकेका छन् ।

चलचित्र सहारामा छांयाकन, सम्पादन कुशल श्रेष्ठ, स्वर संगीत आशिष राज, ब्याकग्राउण्ड म्युजिक र कलर नबिन निरौलाको रहेको छ ।

टुवाइको ब्यानरमा निर्माण भएको शर्ट फिल्म सहारा सोही चलचित्रकी अभिनेत्री सिर्जना निङ्गलेकुको युट्युब च्यानलबाट रिलिज गरिएको हो ।

हेर्नुहोस्, शर्ट फिल्म :