चलचित्र ‘दि सेक्रेट्स अफ राधा’को छायांकन सुरु भएको छ । यो चलचित्रलाई सुवर्ण थापाले निर्देशन गर्नेछन् ।

पालुङमा चलचित्रको पहिलो दृश्य खिच्दै छायांकन सुरु गरिएको हो । निर्देशक थापाका अनुसार यो चलचित्रको १५ देखि २० दिन पालुङमै खिच्ने योजना छ । उता सकेपछि निर्माण टिम काठमाडौंमा गर्ने निर्माण पक्षको योजना छ ।
चलचित्रमा निर्देशक थापा र नायक सौगात मल्लको लगानी छ । चलचित्रमा अभिनेत्रीको रुपमा श्रृष्टी श्रेष्ठ र मेनुका प्रधान जोडिएका छन् ।

यसअघि अभिनेत्री सार्वजनिक गरिएको थिएन । धेरैले सौगातले चलचित्र निर्माण गर्ने भएपछि श्रृष्टि यो चलचित्रमा आवद्ध हुने अनुमान गरिएको थियो ।

चलचित्रमा सौगात मल्ल, खगेन्द्र लामिछाने, श्रृष्टी श्रेष्ठ, मेनुका प्रधानको मुख्य भूमिका छ । चलचित्रमा दयाहाङ राई र निश्चल बस्नेतको पनि छोटो भुमिका रहने बुझिएको छ ।

सौगातको आदियोगी भिजन र सुवर्णको व्यानरबाट निर्माण भइरहेको चलचित्रको प्रदर्शन मिति भने तय गरिएको छैन ।